транс анадолу тәбиий газ туруба линийәси лайиһәси ишқа кириштүрүлди

әзәрбәйҗанниң тәбиий газини түркийә арқилиқ йавропаға йәткүзидиған транс анадолу тәбиий газ туруба линийәси лайиһәсини ишқа кириштүрүш мурасими түнүгүн әскишәһирдә өткүзүлди.

транс анадолу тәбиий газ туруба линийәси лайиһәси ишқа кириштүрүлди
«танап» хизмәткә кирштүрүлди
«танап» хизмәткә кирштүрүлди

транс анадолу тәбиий газ туруба линийәси – «танап» хизмәткә кириштүрүлди

түркийә авази радийоси хәвири: мурасимға җумһур рәис рәҗәп таййип әрдоған, әзәрбәйҗан пирезиденти илһам әлийев, шималий қибрис түрк җумһурийити җумһур рәиси мустафа ақинҗи, сербийә пирезиденти александир вукич вә украина пирезиденти петро порошенко қатарлиқлар иштирак қилди.

җумһур рәис рәҗәп таййип әрдоған мурасимда қилған сөзидә, «енергийәниң <йипәк йоли>» дәп атилидиған транс анадолу тәбиий газ туруба линийәси лайиһәсини ишқа кириштүргәнликлирини тәкитләп мундақ деди: «биз енергийәни тоқунушниң әмәс, әксичә, һәмкарлиқ васитиси дәп билимиз, бу қаришимиз транс анадолу тәбиий газ туруба линийәси лайиһәсиниң ишқа кирштүрүлүши билән йәнә бир қетим испатланди. транс анадолу тәбиий газ туруба линийәси лайиһәси ортақ истиратегийәлик нишанимизниң әң ахирқи мевисидур, шуниң билән бир вақитта, алдимиздики мәзгилләрдә ишқа кириштүридиған йеңи лайиһәләрниң хәвәрчисидур.»

транс анадолу тәбиий газ туруба линийәси лайиһәсиниң башланғуч иқтидариниң йиллиқ 16 милйард куб метир икәнликини әскәрткән әрдоған, буниң 6 милйард куб метирлиқ қисминиң түркийәгә, 10 милйард куб метирлиқ қисминиң болса йавропаға тошулидиғанлиқини қәйт қилди.

транс анадолу тәбиий газ туруба линийәси лайиһәсини тәләпкә асасән алди билән 22 милйард куб метирға, арқидин қошумчә селинмилар арқилиқ 31 милйард куб метирға йәткүзүшни нишан қиливатқанлиқлирини ейтқан җумһур рәис әрдоған, түркийәниң транс анадолу тәбиий газ туруба линийәси лайиһәси арқилиқ транзит бир дөләт болуштин һалқип, ишләпчиқарғучидин ахирқи истемал қилғучиға қәдәр созулидиған зәнҗирсиман қиммәтләрниң һәр бир басқучида муһим рол ойнайдиған қудрәтлик дөләткә айлананлиқини тәкитләп мундақ деди: «транс анадолу тәбиий газ туруба линийәси лайиһәси пәқәт енергийәниң бихәтәрлики үчүнла әмәс, һазар районидин тартип йавропағичә пүткүл өтүш еғизлириға җайлашқан дөләтләргә параванлиқ вә ишқа орунлаштуруш җәһәттин муһим төһпиләрни қошиду.»

җумһур рәис рәҗәп таййип әрдоған гиретсийә чеграсини тунҗи тәбиий газ билән тәминләш хизмитини 2019 – йили ийун ейида ишқа кириштүрүшни нишан қиливатқанлиқлириниму сөзлиригә илавә қилди.

мәлуматларға қариғанда, һазирғичә әң кәң көләмлик вә әң узун туруба линийәси һесаблинидиған транс анадолу тәбиий газ туруба линийәси лайиһәсиниң омумий узунлуқи 1850 километир келидикән, туруба линийәси ардаһандин тартип әдирнәгичә 20 вилайәт вә 67 наһийәдин өтидикән. турубиларниң % 80 ти түркийәдә ишләпчиқирилған болуп, бу җәрйанда 13 миң киши ишқа орунлишиш пурситигә еришкән.

әзәрбәйҗанниң тәбиий газини түркийә арқилиқ йавропаға тошуйдиған транс анадолу тәбиий газ туруба линийәси лайиһәси, түркийәдин сирт йәнә, йавропаниңму еһтийаҗини қамдайдикән.



مۇناسىۋەتلىك خەۋەرلەر