«trans anadolu tebiiy gaz turuba liniyesi layihesi qérindashliqqa sélinghan mebleghdur»

énérgiye we tebiiy bayliqlar ministiri berat albayraq trans anadolu tebiiy gaz turuba liniyesi layihesining qérindashliqqa sélinghan  meblegh ikenlikini éytti.

«trans anadolu tebiiy gaz turuba liniyesi layihesi qérindashliqqa sélinghan mebleghdur»

türkiye awazi radiyosi xewiri: berat albayraq trans anadolu tebiiy gaz turuba liniyesi layihesi arqiliq tebiiy gaz bilen tunji teminlesh nuqtisi bolghan eskishehir kompréssor we ölchesh ponkitida ötküzülgen murasimda qilghan sözide, layihening bügünki kündiki rayonning énérgiye tarixigha nisbeten nahayiti muhimliqini eskertti, türkiye, ezerbeyjan we giruziye otturisida ornitilghan rayonluq hemkarliqning yéngi qiteler bilen bir gewdiliship, yer shari xaraktérlik hemkarliqqa aylanghanliqini qeyt qildi, hemde küchlük rehberlik we istiratégiyelik ehmiyetke ige bolghan layihening türkiye bilen ezerbeyjan yolgha qoyuwatqan aktip énérgiye siyasetlirining namayendisi ikenlikini tekitlep mundaq dédi: «biz bügün maddiy sélinmidinmu bekrek ehmiyetke we qimmetke ige yüz yilning eng muhim layiheliridin birini ishqa kirishtürüwatimiz. trans anadolu tebiiy gaz turuba liniyesi layihesi qérindashliqqa sélinghan meblegh hésablinidu. shuning bilen bir waqitta, <ikki dölet, bir millet> éngining chégralardin halqip, yéngi jughrapiyeler bilen, yéngi insanlar bilen bir gewdilishishidur, ikki dölet otturisidiki heqiqiy dostluq we söygüning kelgüsi ewladlargha qaldurulidighan alemshumul mirasidur. layihe türkiye we bu layihe yétip baridighan barliq döletlerning énérgiye bixeterlikige muhim töhpilerni qoshidu, layihe arqiliq türkiye énérgiye jehettiki achquchluq döletlik rolini téximu jari qilduridu.»



مۇناسىۋەتلىك خەۋەرلەر