amérika bilen xitay üchinchi qétimliq söhbetke teyyarlandi

amérika bilen xitayning otturidiki soda kirizisini hel qilish üchün üchinchi qétim söhbet ötküzidighanliqi bildürüldi.

amérika bilen xitay üchinchi qétimliq söhbetke teyyarlandi

türkiye awazi radiyosi xewiri: amérika soda ministiri wilbur ros soda kirizisini muzakire qilish üchün kéler ayning béshida xitaygha baridu.

shinxua agéntliqida élan qilinghan bir xewerge asaslanghanda, xitayning soda ixtilapi bash muzakirechisi muawin bash ministir lyu xé bilen téléfonda körüshken amérika soda ministiri ros, 2-4-iyun künliride xitayni ziyaret qilidiken.

soda ixtilapi bu hepte pirézidént trampning aptomobil we yük mashinisi importigha qarita milliy bixeterlik tekshürüshini yolgha qoyidighanliqini élan qilishi bilen téximu murekkep tüske kirdi. bu xil tekshürüsh xitaydin bashqa, kanada, méksika, yaponiye we gérmaniyege oxshash amérikaning muhim ittipaqdashliridinmu tamozhna béji élishqa seweb bolushi mumkin.

xitay mushu ayning otturiliri washingtonda ötküzülgen söhbette, amérikaning yéza igilik we énérgiye mehsulatlirini sétiwélishni ashurushni qobul qilghan idi. ikki terep yene, amérika shirketlirining xitay éléktironluq mehsulatliri shirkiti jongshing (ZTE) gha qoyghan émbargolirini emeldin qaldurushnimu muzakire qilghan idi.

ijabiy özgirishler we ikki terepning mesilini hel qilish xaraktérlik bayanatliri, amérika bilen xitayning soda urushi qilish endishelirini peseytti. biraq, pirézidént tramp bu hepte bayanat qilip, her qandaq kélishimning oxshimighan qurulmigha éhtiyaji bolidighanliqini éytishi, weziyetni téximu murekkepleshtürüwetti.

tramp hökümiti 9-mart polat we alyumin mehsulatliridin ret boyiche %25 we 10 hesse tamozhna béji élinidighanliqini élan qilghandin kéyin, 1300 xitay shirkitining mehsulatliridin %25 qoshumche baj élishni pilan qilghanliqini uqturghan idi.

béyjing hökümitimu soda urushigha jawab süpitide, amérikaning 128 mehsulatidin %15 din %25 giche baj alidighanliqini élan qilghan idi. bir qanche kün burun bolsa, amérikaning 50 milyard dollarliq 106 mehsulatidin %25 qoshumche baj élinidighanliqini bildürgen idi.

terepler kirizisni hel qilish üchün deslepte béyjingda, arqidin washingtonda körüshken idi.



مۇناسىۋەتلىك خەۋەرلەر