zamir iqbal: türkiye islamiy maliye merkizi bolalaydu

islamiy tereqqiyat bankisi muawin bashliqi zamir iqbal, türkiyening islamiy maliye jehette körsetken nurghun ilgirileshliri barliqini we bu arqiliq téximu muhim nuqtilargha kelgenlikini bildürdi.

zamir iqbal: türkiye islamiy maliye merkizi bolalaydu

türkiye awazi radiyosi xewiri: islamiy tereqqiyat bankisi muawin bashliqi zamir iqbal, türkiyening islamiy maliye jehette körsetken nurghun ilgirileshliri barliqini we bu arqiliq téximu muhim nuqtilargha kelgenlikini bildürüp, «türkiye islamiy maliyening merkizige aylinalaydighan küchke ige» dédi.

zamir iqbal rusiye fédératsiyesige qarashliq tataristan jumhuriyitining paytexti qazanda qerzdar bolush asasidiki eneniwiy maliye sistémisining nurghun mesililerni keltürüp chiqiriwatqanliqini tilgha élip, «xewpni ortaqlishish we mewjüt mülükni asas qilghan islam maliyesi bu sahede muqim we dawalghushlargha téximu chédamchan ikenlikini ispatlaydighan nurun xizmetlerni otturigha chiqardi» dédi. 

zamir iqbal türkiyening islamiy maliye jehettiki körgestken xzmetlirige intayin ijabiy baha berdi. «türkiye dunya bankisigha bu jehette yardem qilmaqta. istanbul paychék bazirimu, dunya bankisining yershari xarakétrlik islamiy maliyeni tereqqi qildurush merkizini achti. istanbulning islamiy maliyening merkizige aylinalishi üchün zor tirishchanliqlarni körsetmekte» dédi.

zamir iqbal ilgiri dunya bankisining yer shari xarakétirlik islam maliyesini tereqqiy qildurush merkizining diriktori bolghan bolup, u her qandaq bir jayning islamiy maliye merkizige aylinish üchün janliq bir maliye bazirigha éhtiyaj barliqini tekitlep mundaq dédi:

«türkiye islamiy maliye saheside körsetken nurghun ilgirileshliri arqiliq bu sehede intayin muhim bir nuqtigha yétip keldi. türkiyening bankichiliq sahesining küchlük ikenliki we bir qanchilighan yer shari xaraktérlik bazarlarda özini ispatlishi, jughrapiyesining yawropagha yéqin bolushi we dölet yaridimi bilen islamiy maliye merkizige aylinalaydighan yoshurun küchige ige. türkiye hökümiti yéqindin buyan yüz bergen tashqi piruwéttiki chayqilishlargha qarimastin, islamiy maliye seheside tashlighan qedemliri we tashlash aldida turghan qedemliri bilen küchlük qollap quwwetlimetkte»


خەتكۈچ: islamiy maliye , maliye , türkiye

مۇناسىۋەتلىك خەۋەرلەر