iranda tashqi péréwot sodisi melum derijide cheklendi

iran hökümiti riyalning tashqi péréwot aldidiki qimmitini saqlap qélish üchün tashqi piruwut sodisini melum derijide cheklidi.

iranda tashqi péréwot sodisi melum derijide cheklendi

türkiye awazi radiyosi xewiri: iranda bankichiliq sistémisidin bashqa orunlarda tashqi piruwut sodisi cheklendi.

irandiki « eghtesadonline »namliq tor bétining bu heqtiki xewiride, iran merkez bankisining muawin bashliqi seyyid ehmed araqchi iranda bankilardin sirt bashqa orun yaki shexslerning tashqi péréwot sodisi bilen shughullinalmaydighanliqini éytqanliqi bildürüldi.

bu cheklimining iranda bazar muqimliqini kapaletke ige qilidighanliqini éytqan araqchi, bu cheklimining yene iran iqtisadining téximu güllinishige, mebleghlerning téz aylinishigha we etkeschilik qilmishlirigha taqabil turushta paydiliq ikenlikini tekitlidi.  

araqchi 10ming yawro we uningdin yuqiri tashqi péréwotliri bar kishilerning pullirini choqum bankida saqlashqa mejbur ikenliklirinimu eskertti.

iranda nurghun sodiger sirttin import qilidighan mehsulatlarning pulini iqtisadiy émbargo, dölet orunlirining asta xizmet  qilishi we resmiyetlerning téz hel bolmasliqi sewebidin altun sodigerlirining wastisi bilen nazaretsiz yollar arqiliq tölep kéliwatqanidi.

iran hökümiti riyalning tashqi péréwot aldidiki qimmitining töwenlep kétishining aldini élish üchün erkin bazarda 1 dollar 6000 tumen boliwatqan iran riyalining qimmitini 4500 dollar sewiyeside toxtitip riyalning qimmitini muqimlashturdi.  


خەتكۈچ: péréwot , iran

مۇناسىۋەتلىك خەۋەرلەر