иранда ташқи перевот содиси мәлум дәриҗидә чәкләнди

иран һөкүмити рийалниң ташқи перевот алдидики қиммитини сақлап қелиш үчүн ташқи пирувут содисини мәлум дәриҗидә чәклиди.

иранда ташқи перевот содиси мәлум дәриҗидә чәкләнди

түркийә авази радийоси хәвири: иранда банкичилиқ системисидин башқа орунларда ташқи пирувут содиси чәкләнди.

ирандики « eghtesadonline »намлиқ тор бетиниң бу һәқтики хәвиридә, иран мәркәз банкисиниң муавин башлиқи сәййид әһмәд арақчи иранда банкилардин сирт башқа орун йаки шәхсләрниң ташқи перевот содиси билән шуғуллиналмайдиғанлиқини ейтқанлиқи билдүрүлди.

бу чәклиминиң иранда базар муқимлиқини капаләткә игә қилидиғанлиқини ейтқан арақчи, бу чәклиминиң йәнә иран иқтисадиниң техиму гүллинишигә, мәбләғләрниң тез айлинишиға вә әткәсчилик қилмишлириға тақабил турушта пайдилиқ икәнликини тәкитлиди.  

арақчи 10миң йавро вә униңдин йуқири ташқи перевотлири бар кишиләрниң пуллирини чоқум банкида сақлашқа мәҗбур икәнликлириниму әскәртти.

иранда нурғун содигәр сирттин импорт қилидиған мәһсулатларниң пулини иқтисадий ембарго, дөләт орунлириниң аста хизмәт  қилиши вә рәсмийәтләрниң тез һәл болмаслиқи сәвәбидин алтун содигәрлириниң вастиси билән назарәтсиз йоллар арқилиқ төләп келиватқаниди.

иран һөкүмити рийалниң ташқи перевот алдидики қиммитиниң төвәнләп кетишиниң алдини елиш үчүн әркин базарда 1 доллар 6000 тумән боливатқан иран рийалиниң қиммитини 4500 доллар сәвийәсидә тохтитип рийалниң қиммитини муқимлаштурди.  


خەتكۈچ: перевот , иран

مۇناسىۋەتلىك خەۋەرلەر