amérika rusiyege yéngi émbargo yürgüzidighanliqini élan qildi

amérikaning b d t da turushluq daimiy wekili nikkiy haléy beshshar esed hakimiyitining süriyede ximiyelik qoral yasap saqlishigha yardem qilghan rusiye shirketlirige yéngi émbargolarni yürgüzidighanliqlirini élan qildi.

amérika rusiyege yéngi émbargo yürgüzidighanliqini élan qildi

türkiye awazi radiyosi xewiri: amérikaning b d t (birleshken döletler teshkilati) da turushluq daimiy wekili nikkiy haléy «CBS» téléwiziyesining ziyaritini qobul qilip, küntertiptiki mesililer toghrisidiki soallargha jawab berdi. u amérika-rusiye munasiwetliri üstide toxtalghanda, beshshar esed hakimiyitining ximiyelik qoral yasishigha we saqlishigha yardem qilghan shirketlerge yéngi émbargo yürgüzülidighanliqini bildürdi. u mundaq dédi:

«rusiyege yéngi émbargolar yürgüzülidu. maliye ministiri machchin bügün (16-aprél) yéngi émbargolarni élan qilidu. émbargolar biwaste beshshar esed we ximiyelik qoral ishlitishke chétilghan shirketlerge yürgüzülidu» dédi.

u rusiyening wénézuélada maduro hökümitini, süriyede beshshar esed hakimiyitini qollap we hemkarliship, «xata aktiyorlar» bilen heriket qilghanliqini؛ rusiyening «héchqandaq yaxshi dosti» ning qalmighanliqini we «yüz bériwatqan ishlarning rusiyege ziyanliq boluwatqanliqi» ni ilgiri sürdi.



مۇناسىۋەتلىك خەۋەرلەر