rusiye amérikining iqtisadiy émbargosigha qarshi heriket ötti

bir qisim rus parlamént ezaliri amérikining iqtisadiy émbargolirigha qarshi qanun layihesi tüzüp chiqti.

rusiye amérikining iqtisadiy émbargosigha qarshi heriket ötti

türkiye awazi radiyosi xewiri: rusiyening muawin tashqi ishlar ministiri sérgéy riyabkow rusiye hökümitining amérikining iqtisadiy émbargolirigha taqabil turush teyyarlap chiqqan qanun layihesining pat yéqinda emeliylishidighanliqini uqturdi.

bir qisim rus parlamént ezaliri amérikining iqtisadiy émbargolirigha qarita amérikidin import qilinidighan mehsulatlarning cheklinishini mezmun qilidighan qanun layihesi teyyarlap chiqip parlaméntqa teqdim qildi.

mezkur qanun layihesi amérikida layihlengen yumshaq détal pirogrammiliri, yéza-igilik mehsulatliri, dora, tamaka we haraq qatarliq tawarlarning import qilinishini chekleshni mezmun qilidu.  

qanun layiheside yene amérika shirketlirining rusiyening xususylashturush layihelirige qatnishishimu cheklinidu.

amérika 2016-yildiki saylamlargha rusiye hökümitining arilashqanliqini ilgiri sürüp bir qisim rus emeldar we karxanchilarni qara tizimlikke kirgüzgenidi.

qara tizimlikke wiladimir bogdanow, olég déripaska, suléyman kerimow, igor roténbérg, kiril shamolow, andréy sikoch we wiktor wéksélbérg qatarliq shexsler kirgüzüldi.

süriyede beshshar esed hakimiyitige qoral-yaragh yetküzüp bériwatqanliqi ilgiri sürülgen rosoboronésport namliq rus shirkiti we bu shirket bilen munasiwiti bolghan RFC bankisimu qara tizimlikke kirgüzüldi.

émbargo tizimlikige kirgüzülgen shexs we orunlarning amérikidiki mal-mülüklirini tonglitiwetken amérika hakimiyiti, qara tizimlikke kirgüzülgen shexs we orunlar bilen soda qilinishinimu cheklidi.


خەتكۈچ: émbargo , rusiye , amérika

مۇناسىۋەتلىك خەۋەرلەر