русийә америкиниң иқтисадий ембаргосиға қарши һәрикәт өтти

бир қисим рус парламент әзалири америкиниң иқтисадий ембарголириға қарши қанун лайиһәси түзүп чиқти.

русийә америкиниң иқтисадий ембаргосиға қарши һәрикәт өтти

түркийә авази радийоси хәвири: русийәниң муавин ташқи ишлар министири сергей рийабков русийә һөкүмитиниң америкиниң иқтисадий ембарголириға тақабил туруш тәййарлап чиққан қанун лайиһәсиниң пат йеқинда әмәлийлишидиғанлиқини уқтурди.

бир қисим рус парламент әзалири америкиниң иқтисадий ембарголириға қарита америкидин импорт қилинидиған мәһсулатларниң чәклинишини мәзмун қилидиған қанун лайиһәси тәййарлап чиқип парламентқа тәқдим қилди.

мәзкур қанун лайиһәси америкида лайиһләнгән йумшақ детал пирограммилири, йеза-игилик мәһсулатлири, дора, тамака вә һарақ қатарлиқ таварларниң импорт қилинишини чәкләшни мәзмун қилиду.  

қанун лайиһәсидә йәнә америка ширкәтлириниң русийәниң хусусйлаштуруш лайиһәлиригә қатнишишиму чәклиниду.

америка 2016-йилдики сайламларға русийә һөкүмитиниң арилашқанлиқини илгири сүрүп бир қисим рус әмәлдар вә карханчиларни қара тизимликкә киргүзгәниди.

қара тизимликкә виладимир богданов, олег дерипаска, сулейман кәримов, игор ротенберг, кирил шамолов, андрей сикоч вә виктор векселберг қатарлиқ шәхсләр киргүзүлди.

сүрийәдә бәшшар әсәд һакимийитигә қорал-йарағ йәткүзүп бериватқанлиқи илгири сүрүлгән рособоронеспорт намлиқ рус ширкити вә бу ширкәт билән мунасивити болған RFC банкисиму қара тизимликкә киргүзүлди.

ембарго тизимликигә киргүзүлгән шәхс вә орунларниң америкидики мал-мүлүклирини тоңлитивәткән америка һакимийити, қара тизимликкә киргүзүлгән шәхс вә орунлар билән сода қилинишиниму чәклиди.



مۇناسىۋەتلىك خەۋەرلەر