engliyening ittipaqtin ayrilishi qanche milyard dollar ziyan keltüridu?

engliyening yawropa ittipaqidin chiqip kétishi (Brexit) bir kélishim tüzülmestin emelge ashsa, tereplerning yilliq ziyini 80 milyard dollardin éship kétidu.

engliyening ittipaqtin ayrilishi qanche milyard dollar ziyan keltüridu?

türkiye awazi radiyosi xewiri: bashqurush meslihetchilik shirkiti oliwér wimen (Oliver Wyman) bilen qanunchiliq shirkiti kliford chans (Clifford Chance) engliyening kélishim tüzmestin yawropa ittipaqidin ayrilghanda qanchilik ziyan élip kélidighanliqi toghrisida doklat élan qildi. mezkur doklatqa asaslanghanda, engliye yawropa ittipaqi bilen kélishim tüzmestin ayrilghan ehwal astida pul-muamile sahesi eng chong ziyangha uchraydiken.

engliye 2019-yili yawropa ittipaqidin chiqip kétishtin burun bir kélishim tüzülmise, terepler dunya soda teshkilatining belgilimilirining cheklimisige uchraydu we tamozhna béji élinidu. buningdin bashqa, yawropa ittipaqigha eza 27 dölet tamozhna béji we tamozhnidin bashqa cheklimiler sewebidin bir yilda jemiy 44 milyard dollar töleshke mejbur bolidu. bundaq bolghanda, yawropa ittipaqigha mal satqan engliye éksportchilirimu her yili 36 milyard dollar töleshke mejbur bolidu.

bash wezir tirésa méy engliye yawropa ittipaqidin chiqip ketkendin kéyin, tamozhna ittipaqida qélishigha qarshi turmaqta.

yawropa ittipaqi komitéti bilen engliye otturisida 2017-yili dékabirda puqralar heq-hoquqi, yawropa ittipaqigha tölinidighan tölemler we irélandiye arilidiki chégra mesililirini öz ichige alghan témilardin teshkil tapqan muzakirelerning birinchi qétimliqigha munasiwetlik kélishim tüzülgen idi.

yawropa ittipaqi bilen engliye otturisida ittipaqtin chiqip ketkendin kéyinki soda munasiwetliri muhakime qilinidighan ikkinchi qétimliq muzakirelerning kéler hepte bashlinidighanliqi kütülmekte.



مۇناسىۋەتلىك خەۋەرلەر