sénégal türkiyedin yardem kütmekte

sénégalning paytexti dakarning herqaysi jaylirida gherbliklerning «qul sodisi» ning izlirini saqlap kéliwatqan goré arili türkiyedin yardem kütmekte.

sénégal türkiyedin yardem kütmekte

türkiye awazi radiyosi xewiri: sénégalning eng qedimiy yadikarliqliridin biri bolghan, 1822 – yili sélinghan we araldiki musulmanlarning birdinbir ibadetxanisi hésablinidighan «goré jamesi» aralning dakargha qaraydighan sahil qismigha jaylashqan.

aral ahalisi xelqning ibadet éhtiyajini toluq qamdiyalmaywatqan bu tarixiy yadikarliqning dairisining türk binakarliq qurulush uslubliri bilen birleshtürülgen asasta téximu kéngeytilishini we araldiki simwolluq qurulushlar qataridin orun élishini ümid qilmaqta we buning üchün türkiyedin yardem telep qilmaqta.

türkiyening dakar bash elchisi nihat jiwaner bu heqte élan qilghan bayanatida, aral ahalisining telipige binaen ehwal igilesh üchün rayonda ziyarette bolghanliqini, türkiye her yili aralda qurbanliq göshlerni tarqitip bérish paaliyetliri élip baridighan birdinbir dölet bolghanliqi üchün, xelqning neziride «bizge peqet türkiyela yardem qilalaydu» deydighan döletke aylanghanliqini eskertti.

jamening goré xelqining  jamaet bilen namaz oqush üchün kichik kéliwatqanliqini, shunga dairisining kéngeytilishi üchün bash elchixanidin yardem telep qiliwatqanliqini eskertken jiwaner, «démisimu, türkiye héchqachan afriqa xelqining isteklirige süküt qilghan emes» dédi.

jiwaner gherb ellirining «qul sodisi» sewebidin tarixida éytip tügetküsiz derd – elemlerge sehne bolghan goré arilining  we bu derd – elemler hazirghiche yüreklirini ézip kéliwatqan goré xelqining köngüllirini teskin tapquzush üchün türkiyening bu jameni rémont qildurup, chongaytish üchün imkaniyetning bariche tirishchanliq körsitidighanliqigha ishinidighanliqini tekitlidi.

goré arilining birleshken döletler teshkilati pen, maarip we medeniyet teshkilati (UNESCO) teripidin «dunya medeniyet mirasliri tizimliki» ge kirgüzülgenlikini eskertken jiwaner, aralning tarixiy ehmiyiti sewebidin nahayiti köp ziyaretchi kélidighan bir jay ikenlikini qeyt qildi.


خەتكۈچ: jame , yardem , türkiye , sénégal

مۇناسىۋەتلىك خەۋەرلەر