сенегал түркийәдин йардәм күтмәктә

сенегалниң пайтәхти дакарниң һәрқайси җайлирида ғәрбликләрниң «қул содиси» ниң излирини сақлап келиватқан горе арили түркийәдин йардәм күтмәктә.

сенегал түркийәдин йардәм күтмәктә

түркийә авази радийоси хәвири: сенегалниң әң қәдимий йадикарлиқлиридин бири болған, 1822 – йили селинған вә аралдики мусулманларниң бирдинбир ибадәтханиси һесаблинидиған «горе җамәси» аралниң дакарға қарайдиған саһил қисмиға җайлашқан.

арал аһалиси хәлқниң ибадәт еһтийаҗини толуқ қамдийалмайватқан бу тарихий йадикарлиқниң даирисиниң түрк бинакарлиқ қурулуш услублири билән бирләштүрүлгән асаста техиму кеңәйтилишини вә аралдики символлуқ қурулушлар қатаридин орун елишини үмид қилмақта вә буниң үчүн түркийәдин йардәм тәләп қилмақта.

түркийәниң дакар баш әлчиси ниһат җиванәр бу һәқтә елан қилған байанатида, арал аһалисиниң тәлипигә бинаән әһвал игиләш үчүн районда зийарәттә болғанлиқини, түркийә һәр йили аралда қурбанлиқ гөшләрни тарқитип бериш паалийәтлири елип баридиған бирдинбир дөләт болғанлиқи үчүн, хәлқниң нәзиридә «бизгә пәқәт түркийәла йардәм қилалайду» дәйдиған дөләткә айланғанлиқини әскәртти.

җамәниң горе хәлқиниң  җамаәт билән намаз оқуш үчүн кичик келиватқанлиқини, шуңа даирисиниң кеңәйтилиши үчүн баш әлчиханидин йардәм тәләп қиливатқанлиқини әскәрткән җиванәр, «демисиму, түркийә һечқачан африқа хәлқиниң истәклиригә сүкүт қилған әмәс» деди.

җиванәр ғәрб әллириниң «қул содиси» сәвәбидин тарихида ейтип түгәткүсиз дәрд – әләмләргә сәһнә болған горе арилиниң  вә бу дәрд – әләмләр һазирғичә йүрәклирини езип келиватқан горе хәлқиниң көңүллирини тәскин тапқузуш үчүн түркийәниң бу җамәни ремонт қилдуруп, чоңайтиш үчүн имканийәтниң баричә тиришчанлиқ көрситидиғанлиқиға ишинидиғанлиқини тәкитлиди.

горе арилиниң бирләшкән дөләтләр тәшкилати пән, маарип вә мәдәнийәт тәшкилати (UNESCO) тәрипидин «дунйа мәдәнийәт мираслири тизимлики» гә киргүзүлгәнликини әскәрткән җиванәр, аралниң тарихий әһмийити сәвәбидин наһайити көп зийарәтчи келидиған бир җай икәнликини қәйт қилди.



مۇناسىۋەتلىك خەۋەرلەر