«xudagha yüz ming shükri, bextimizge  yarisha türkiye armiyesi keldi»

«xudagha yüz ming shükri, bextimizge  yarisha türkiye armiyesi bu yerge keldi. allah türkiyedin razi bolsun!»

«xudagha yüz ming shükri, bextimizge  yarisha türkiye armiyesi keldi»

türkiye awazi radiyosi xewiri: türkiye eskerliri jindereste térrorchilardin tazilanghan yéza ahalisigha insanperwerlik yardem buyumlirini tarqatti.

türkiye armiyesining süriyening afrin rayonida bölgünchi térrorluq teshkilatliri p k k/k j k/ p y d – y p g we daésh térrorchilirini bir terep qilish, dost we qérindash rayon xelqini bésim we zulumdin qutquzush üchün 20 – yanwar küni qozghighan «zeytun shéxi» herbiy herikiti dairiside térrorchilardin tazilanghan jendereske qarashliq déyr ballut yézisi ahalisigha insanperwerlik yardem buyumliri tarqitip bérildi, xelning omumyüzlük salametlik ehwali tekshürüldi.

yéza ahalisi  doxturlar we sistéralardin teshkil tapqan türkiye armiyesi xadimliri bilen türkiye qizilay jemiyiti etretlirini qizghin qarshi aldi, dua qildi hemde köptin- köp rehmet éytti.

yézidiki bosh bir öyni doxturxana süpitide ishletken herbiy doxturlar déyr ballut yézisi we etrapidiki yézilardin kelgenlerning salametlik ehwalini tekshürdi.

balilarning salametlik ehwalini bashtin – axir tekshürgen herbiy doxturlar kéreklik dorilarnimu aililerge berdi.

türkiye qizilay jemiyiti etretliri bolsa insanperwerlik yardem buyumlirini yéza ahalisigha bir – birlep tarqitip berdi. insanperwerlik yardem buyumlirini tapshuruwalghan keng xelq ammisi közlirige issiq yash alghan halda xizmetchi – xadimlargha köptin- köp rehmet éytti hemde minnetdarliq bildürdi .

yéza ahalisidin 75 yashliq muhemmed qara mustafa y p g / p k k ning özlirige zulum qilghanliqini, emma hazir ehwallirining yaxshi, köngüllirining xatirjem ikenlikini tekitlep mundaq dédi: «y p g / p k k tiraktorumni, mallirimni, zeytunlirimni we pullirimni tartiwaldi, manga héchnerse qaldurmay tapaq – terginimning hemmisini élip ketti, xudagha yüz ming shükri, bextimizge  yarisha türkiye armiyesi bu yerge keldi, allah türkiyedin razi bolsun!»



مۇناسىۋەتلىك خەۋەرلەر