«худаға йүз миң шүкри, бәхтимизгә  йариша түркийә армийәси кәлди»

«худаға йүз миң шүкри, бәхтимизгә  йариша түркийә армийәси бу йәргә кәлди. аллаһ түркийәдин рази болсун!»

«худаға йүз миң шүкри, бәхтимизгә  йариша түркийә армийәси кәлди»

түркийә авази радийоси хәвири: түркийә әскәрлири җиндәрәстә террорчилардин тазиланған йеза аһалисиға инсанпәрвәрлик йардәм буйумлирини тарқатти.

түркийә армийәсиниң сүрийәниң африн районида бөлгүнчи террорлуқ тәшкилатлири п к к/к җ к/ п й д – й п г вә даеш террорчилирини бир тәрәп қилиш, дост вә қериндаш район хәлқини бесим вә зулумдин қутқузуш үчүн 20 – йанвар күни қозғиған «зәйтун шехи» һәрбий һәрикити даирисидә террорчилардин тазиланған җәндәрәскә қарашлиқ дейр баллут йезиси аһалисиға инсанпәрвәрлик йардәм буйумлири тарқитип берилди, хәлниң омумйүзлүк саламәтлик әһвали тәкшүрүлди.

йеза аһалиси  дохтурлар вә систералардин тәшкил тапқан түркийә армийәси хадимлири билән түркийә қизилай җәмийити әтрәтлирини қизғин қарши алди, дуа қилди һәмдә көптин- көп рәһмәт ейтти.

йезидики бош бир өйни дохтурхана сүпитидә ишләткән һәрбий дохтурлар дейр баллут йезиси вә әтрапидики йезилардин кәлгәнләрниң саламәтлик әһвалини тәкшүрди.

балиларниң саламәтлик әһвалини баштин – ахир тәкшүргән һәрбий дохтурлар керәклик дориларниму аилиләргә бәрди.

түркийә қизилай җәмийити әтрәтлири болса инсанпәрвәрлик йардәм буйумлирини йеза аһалисиға бир – бирләп тарқитип бәрди. инсанпәрвәрлик йардәм буйумлирини тапшурувалған кәң хәлқ аммиси көзлиригә иссиқ йаш алған һалда хизмәтчи – хадимларға көптин- көп рәһмәт ейтти һәмдә миннәтдарлиқ билдүрди .

йеза аһалисидин 75 йашлиқ муһәммәд қара мустафа й п г / п к к ниң өзлиригә зулум қилғанлиқини, әмма һазир әһваллириниң йахши, көңүллириниң хатирҗәм икәнликини тәкитләп мундақ деди: «й п г / п к к тиракторумни, маллиримни, зәйтунлиримни вә пуллиримни тартивалди, маңа һечнәрсә қалдурмай тапақ – тәргинимниң һәммисини елип кәтти, худаға йүз миң шүкри, бәхтимизгә  йариша түркийә армийәси бу йәргә кәлди, аллаһ түркийәдин рази болсун!»



مۇناسىۋەتلىك خەۋەرلەر