yawropa ittipaqimu amérika mehsulatlirigha qoshumche baj qoyidighanliqini élan qildi

yawropa ittipaqi komitétining soda ishlirigha mesul ezasi jéjiliya malmström amérikaning polat we alyumin mehsulatlirigha qarita qoshumche baj qoyush pilanigha munasiwetlik axbarat élan qilish yighini ötküzdi.

yawropa ittipaqimu amérika mehsulatlirigha qoshumche baj qoyidighanliqini élan qildi

türkiye awazi radiyosi xewiri: malmström bélgiye paytexti biryussélda ötküzülgen axbarat yighinida: «tedbir élinidighan amérika mehsulatlirigha qarita teyyarliq qiliwatimiz. bu waqitliq tizimlikni yawropa ittipaqigha eza döletler bilen muzakire qilip, pat arida amma bilen ortaqlishimiz. bu tizimlikte polat, sanaet we yéza igilik mehsulatliri bar» dédi.

bu mesilide yawropa ittipaqi istratégiyesining üch basquchluq ikenlikini eskertken malmström, dunya soda teshkilatining qaide-pirinsipliri daireside bashqa döletler bilen teng maslashqan halda bir qarashni tereqqiy qildurush, bu ehwal muhim iqtisadiy tesir peyda qilghan ehwalda yolgha qoyulidighan tedbirlerni teyyarlash we iqtisadiy tesirge asasen amérikaning bashqa mehsulatlirigha qarita yéngi tedbirlerni yolgha qoyush ikenlikini bildürdi.

malmström amérika yolgha qoyidighan qoshumche tamozhna béjining adil bolmighanliqini alahide eskertip: «amérika yolgha qoymaqchi bolghan bajlarning dunya soda teshkilati qaidelirige uyghun ikenlikidin gumanlinimiz» dédi.

u yene, amérikaning hazirche téxi resmiy qarar chiqarmighanliqini xatiriletti we mundaq dédi:

«bu bajlar yawropa ittipaqigha ziyan béridu, bu bajlargha qarshi adil we teng nisbette jawab qayturulidu.»

u amérika pirézidénti donald trampning yawropada ishlepchiqirilghan aptomobillardin qoshumche baj élinishi mumkinliki toghrisidiki bayati üstide toxtaldi. u: «yawropa ittipaqi shirketliri amérikada 2 milyon aptomobil ishlepchiqiridu, bu shirketler amérikada ish orni yaritidu» dédi.

yawropa ittipaqining amérikagha jawaben %25 tamozhna béji qoyushni pilan qilinghan waqitliq tizimlikte, piste badam qiyami, padichi ishtan, motosiklit, polat turuba qatarliq nurghun mehsulatlar bar.

amérika hökümiti ötken hepte sodidiki qoruqchiliq siyasetliri daireside, polat we alyumin mehsulatlirigha %25 qoshumche tamozhna béji qoyidighanliqini élan qildi.

buninggha nisbeten, yawropa ittipaqi amérikaning yawropagha éksport qilidighan mehsulatlirigha qarita bezi tedbirlerni yolgha qoyulidighanliqini élan qilghan idi.



مۇناسىۋەتلىك خەۋەرلەر