йавропа иттипақиму америка мәһсулатлириға қошумчә баҗ қойидиғанлиқини елан қилди

йавропа иттипақи комитетиниң сода ишлириға мәсул әзаси җеҗилийа малмстрөм американиң полат вә алйумин мәһсулатлириға қарита қошумчә баҗ қойуш пиланиға мунасивәтлик ахбарат елан қилиш йиғини өткүзди.

йавропа иттипақиму америка мәһсулатлириға қошумчә баҗ қойидиғанлиқини елан қилди

түркийә авази радийоси хәвири: малмстрөм белгийә пайтәхти бирйусселда өткүзүлгән ахбарат йиғинида: «тәдбир елинидиған америка мәһсулатлириға қарита тәййарлиқ қиливатимиз. бу вақитлиқ тизимликни йавропа иттипақиға әза дөләтләр билән музакирә қилип, пат арида амма билән ортақлишимиз. бу тизимликтә полат, санаәт вә йеза игилик мәһсулатлири бар» деди.

бу мәсилидә йавропа иттипақи истратегийәсиниң үч басқучлуқ икәнликини әскәрткән малмстрөм, дунйа сода тәшкилатиниң қаидә-пиринсиплири даирәсидә башқа дөләтләр билән тәң маслашқан һалда бир қарашни тәрәққий қилдуруш, бу әһвал муһим иқтисадий тәсир пәйда қилған әһвалда йолға қойулидиған тәдбирләрни тәййарлаш вә иқтисадий тәсиргә асасән американиң башқа мәһсулатлириға қарита йеңи тәдбирләрни йолға қойуш икәнликини билдүрди.

малмстрөм америка йолға қойидиған қошумчә таможна беҗиниң адил болмиғанлиқини алаһидә әскәртип: «америка йолға қоймақчи болған баҗларниң дунйа сода тәшкилати қаидәлиригә уйғун икәнликидин гуманлинимиз» деди.

у йәнә, американиң һазирчә техи рәсмий қарар чиқармиғанлиқини хатириләтти вә мундақ деди:

«бу баҗлар йавропа иттипақиға зийан бериду, бу баҗларға қарши адил вә тәң нисбәттә җаваб қайтурулиду.»

у америка пирезиденти доналд трампниң йавропада ишләпчиқирилған аптомобиллардин қошумчә баҗ елиниши мумкинлики тоғрисидики байати үстидә тохталди. у: «йавропа иттипақи ширкәтлири америкада 2 милйон аптомобил ишләпчиқириду, бу ширкәтләр америкада иш орни йаритиду» деди.

йавропа иттипақиниң америкаға җавабән %25 таможна беҗи қойушни пилан қилинған вақитлиқ тизимликтә, пистә бадам қийами, падичи иштан, мотосиклит, полат туруба қатарлиқ нурғун мәһсулатлар бар.

америка һөкүмити өткән һәптә содидики қоруқчилиқ сийасәтлири даирәсидә, полат вә алйумин мәһсулатлириға %25 қошумчә таможна беҗи қойидиғанлиқини елан қилди.

буниңға нисбәтән, йавропа иттипақи американиң йавропаға експорт қилидиған мәһсулатлириға қарита бәзи тәдбирләрни йолға қойулидиғанлиқини елан қилған иди.



مۇناسىۋەتلىك خەۋەرلەر