америкиниң террорлуқ тәшкилатиға аҗратқан мәблиғи 70 милйон долардин артуқ

америка дөләт мудапиә министирлиқи бөлгүнчи террорлуқ тәшкилати п к к / п җ к / п й д – й п г гә аҗратқан мәбләғ 70 милйон доллардин ашиду.

америкиниң террорлуқ тәшкилатиға аҗратқан мәблиғи 70 милйон долардин артуқ

түркийә авази радийоси хәвири: америка дөләт мудапиә министирлиқиниң «сүрийә» доклатиға асасланғанда, америка қошма иштатлириниң өткән йили террорлуқ тәшкилати п к к / п җ к / п й д – й п г гә аҗратқан мәбләғ 70 милйон доллардин ашидикән, бу йил үчүн аҗратқан мәбләғ болса йерим милйард долларға йетидикән.

террорлуқ тәшкилатиға берилидиған тиранспорт василитири,  шрапнел атидиған зәмбирәкләр, танка атидиған башқурулидиған бомбилар вә аптоматик милтиқлар қатарлиқлар үчүн 433 милйард доллар аҗритилған.

доклатта әскәртилишичә, террорлуқ тәшкилати үчүн бир даниси тәхминән 17 миң долларлиқ еғир типлиқ аптоматик милтиқлардин 3500 данә елинидикән, даниси 3500 долларлиқ « PKM » дәп атилидиған милтиқлар үчүн 20 милйон доллар аҗритилидикән. қалған тәхминән 67 милйон долларлиқ мәбләғ террорчиларниң сәһийә вә қатнаш чиқимлири үчүн аҗритилидикән.

мәлуматларға қариғанда, вашингтон террорлуқ тәшкилатиға пәқәт қорал - йарағ җәһәттинла йардәм қилмайдикән, террорчиларниң саниниму ашурмақта икән. 25 миңға йәткән террорчиларниң сани йил ахирғичә 30 миңға йәткүзүлидикән.

йәнә бир тәрәптин, америка дөләт мудапиә министирлиқи 2019 – йиллиқ хамчот лайиһәсидә, даешқа қарши күрәш даирисидә тәрбийәләш - қоралландуруш үчүн бөлгүнчи террорлуқ тәшкилати п к к / п й д ға 300 милйон доллар, даешқа қарши чегра бихәтәрлик еһтийаҗлири үчүн 250 милйон доллар болуп, җәмий 500 милйон доллар аҗратқан.

игилинишичә, америка қошма иштатлири башчилиқидики иттипақдаш күчлириниң илгири 30 миң кишидин тәшкил тапидиған «чегра бихәтәрликини қоғдаш күчи» дәп елан қилған, бирақ кейинчә «ички бихәтәрликни қоғдаш вә муқимлиқни сақлаш күчи» дәп атиған  «террорчилар қошуни» тәшкил қилишиму диққәт қозғимақта икән.



مۇناسىۋەتلىك خەۋەرلەر