америкида вақитлиқ хамчот лайиһәси тәстиқланди

америка палатаси һөкүмәт тақалғандин кейин вақитлиқ хамчот лайиһәсини тәстиқлиди.

америкида вақитлиқ хамчот лайиһәси тәстиқланди

түркийә авази радийоси хәвири: федерал һөкүмәтни 2018 – йили 23 – мартқичә мәбләғ билән тәминләйдиған вақитлиқ хамчот лайиһәси тәклипи палатада 28 гә қарши 71 аваз билән қобул қилинди.

америка палатаси федерал һөкүмәт тақилип тәхминән 2 саәт өткәндин кейин 6 һәптилик вақитлиқ хамчот лайиһәсини тәстиқлиди.

мәлуматларға қариғанда, дөләт органлириниң тақилип қелишиниң ахирлишиши үчүн, хамчот лайиһәсиниң америка авам палатасиниңму тәстиқидин өтүши керәк икән.

федерал һөкүмәтниң кирим – чиқим ишлириға қаритилған чәклимиләрниң уда 2 йил бикар қилиниши вә қәрз төләш муддитиниң 2019 – йили мартқа кечиктүрүлүүшиниму өз ичигә алған лайиһәниң бирқанчә саәт ичидә америка авам палатасиниңму тәстиқидин өтүши күтүлмәктә икән.

җумһурийәтчи кентаки палата әзаси ранд павлниң мунбәрни ишғал қиливелип, 2 йиллиқ хамчот лайиһәси тәклипиниң тәстиқлинишиға йол қоймаслиқи, америка федерал һөкүмитиниң бу йилқи иккинчи қетимлиқ һөкүмәт тақилип қелиш басқучиға сәвәб болған иди.  



مۇناسىۋەتلىك خەۋەرلەر