дунйа сәһийә тәшкилати йәмәнгә йардәм бәрди
дунйа сәһийә тәшкилати йәмәнгә 200 тонна дора вә теббий материйал йардәм қилди.
түркийә авази радийоси хәвири: дунйа сәһийә тәшкилатиниң билдүрүшичә, йәмәнгә 200 тонна дора вә теббий материйал қачиланған бирләшкән дөләтләр тәшкилатиниң 4 айропилани мушу һәптә сана айродурумиға йетип барған болуп, бу материйаллар дора, инсулин, антибиотик, теббий үскүнә вә материйал қатарлиқлардин тәшкил тапидикән. 16.4 милйон киши сәһийә мулазимитидин мәһрум қеливатқан йәмәндә тәхминән 3 йилдин буйан дохтурханилар вә давалаш – сақлиқни сақлаш мулазимәт орунлири дора вә теббий материйал җәһәттин қийинчилиққа дуч кәлмәктә икән.
дунйа сәһийә тәшкилатиниң йәмән вәкили невио загарианиң ейтишичә, дөләттики давалаш – сақлиқни сақлаш мулазимәт орунлири дора вә теббий материйалларға җиддий еһтийаҗлиқ икән, шуңа йәмәнгә әвәтилгән теббий йардәмләр давалаш – сақлиқни сақлаш мулазимәт орунлириниң паалийәтлирини изчил давамлаштуралиши үчүн наһайити зор әһмийәткә игә икән.
مۇناسىۋەتلىك خەۋەرلەر
шимшәк: йәршари мәбләғ салғучилири түркийәниң иқтисадий пиланиға ишиниду
министир мәһмәт шимшәк америка қошма иштатлиридики зийарити һәққидә TRT гә байанат бәрди.