pul - muamile merkezliri türkiye iqtisadigha dair mölcherlirige özgertish kirgüzdi

xelqaradiki meblegh salghuchilar türkiyening iqtisadiy éshish mölcherlirige yuqiri yönilishlik özgertish kirgüdi.

pul - muamile merkezliri türkiye iqtisadigha dair mölcherlirige özgertish kirgüzdi

türkiye awazi radiyosi xewiri: xelqara meblegh sélish bankisi goldman sachs, türkiye iqtisadining bu yilning üchinchi charikide %7 etrapida éshish éhtimalining barliqini élan qildi. bankining doklatida, türkiye iqtisadining bu yil axirida %5 ashidighanliqigha dair mölcherning saqlap qélinghanliqi, üchinchi charekte bolsa, %7 etrapida éshish éhtimalining barliqi eskertildi.

amérika xelqara maliye xizmetliri we sélinma bankichiliqi orgini – morgan stanléymu bayanat bérip, türkiyening bu yilliq iqtisadiy éshishigha dair burunqi mölcherini %3.3 din %4.3 ge özgertkenlikini uqturdi.

amérika meblegh sélish bankisi J.P morganmu, türkiyening 2017 – yilliq iqtisadiy éshishigha dair mölcherini burunqi %4.6 din %5.3 kötürgenlikini؛ biraq 2018 – yilliq mölcherini (%3.1) öz péti saqlap qalghanliqini uqturdi.

yaponiye maliye orgini nomuramu, türkiye iqtisadigha alaqidar doklatida, 2017 – yilliq éshish mölcherini %4.2 din %5.5 ge chiqarghanliqini qeyt qildi.



مۇناسىۋەتلىك خەۋەرلەر