yawropa ittipaqi émbargolarning mudditini uzartti

yawropa ittipaqi qirim we siwastopolni özige qoshuwalghan rusiyege qarshi yolgha qoyghan émbargolarning mudditini yene bir yil uzartti.

yawropa ittipaqi émbargolarning mudditini uzartti

türkiye awazi radiyosi xewiri: yawropa ittipaqi kéngishi yawropa ittipaqining rusiyening qirim bilen siwastopolni qanunsiz halda özige qoshuwalghanliqi sewebidin yolgha qoyuluwatqan émbargolarni 2018-yili 23-iyunghiche uzatqanliqi bildürüldi. kéngeshning bu heqtiki bayanatigha asaslanghanda, mudditi uzartilghan émbargolar arqiliq yawropa ittipaqi puqraliri we shirketlirining qirim bilen siwastopol rayonliridiki paaliyetlirige cheklime qoyulidiken. buningdin bashqa, yawropa ititpaqigha qirim bilen siwastopoldin mehsulat import qilishqa yol qoyulmaydiken. héchqandaq yawropa ititpaqi puqrasi yaki yawropa ittipaqi shirkiti qirim bilen siwastopoldin öy-zémin sétiwalalmaydiken. bu rayondiki shirketlerge pul-muamile jehette yardem qilinmaydiken. yawropa ittipaqining yoluchi paraxotliri qirim bilen siwastopoldiki portlarda jiddiy bolmighan ehwallarda toxtiyalmaydiken.

qirim rayonida qatnash, télékom we énérgiye saheside qollinilidighan mal, hemde bezi téxnikilar éksport qilinmaydiken. bolupmu, néfit, tebiiy gaz we kanchiliq saheside qédirish, ishlepchiqirishqa munasiwetlik téxnikilarning éksport qilinishi cheklengendin bashqa, bu sahelerge téxnika jehettin yardem qilish, qurulush we inzhénérliq nuqtisidinmu yardem qilish cheklinidiken.



مۇناسىۋەتلىك خەۋەرلەر