йавропа иттипақи ембарголарниң муддитини узартти

йавропа иттипақи қирим вә сивастополни өзигә қошувалған русийәгә қарши йолға қойған ембарголарниң муддитини йәнә бир йил узартти.

йавропа иттипақи ембарголарниң муддитини узартти

түркийә авази радийоси хәвири: йавропа иттипақи кеңиши йавропа иттипақиниң русийәниң қирим билән сивастополни қанунсиз һалда өзигә қошувалғанлиқи сәвәбидин йолға қойулуватқан ембарголарни 2018-йили 23-ийунғичә узатқанлиқи билдүрүлди. кеңәшниң бу һәқтики байанатиға асасланғанда, муддити узартилған ембарголар арқилиқ йавропа иттипақи пуқралири вә ширкәтлириниң қирим билән сивастопол районлиридики паалийәтлиригә чәклимә қойулидикән. буниңдин башқа, йавропа ититпақиға қирим билән сивастополдин мәһсулат импорт қилишқа йол қойулмайдикән. һечқандақ йавропа ититпақи пуқраси йаки йавропа иттипақи ширкити қирим билән сивастополдин өй-земин сетивалалмайдикән. бу райондики ширкәтләргә пул-муамилә җәһәттә йардәм қилинмайдикән. йавропа иттипақиниң йолучи парахотлири қирим билән сивастополдики портларда җиддий болмиған әһвалларда тохтийалмайдикән.

қирим районида қатнаш, телеком вә енергийә саһәсидә қоллинилидиған мал, һәмдә бәзи техникилар експорт қилинмайдикән. болупму, нефит, тәбиий газ вә канчилиқ саһәсидә қедириш, ишләпчиқиришқа мунасивәтлик техникиларниң експорт қилиниши чәкләнгәндин башқа, бу саһәләргә техника җәһәттин йардәм қилиш, қурулуш вә инженерлиқ нуқтисидинму йардәм қилиш чәклинидикән.



مۇناسىۋەتلىك خەۋەرلەر