trampning mal – mülki kem dégende 1 milyard 400 milyon dollargha yétidu

amérika pirézidénti tramp mal – mülkining kem dégende 1 milyard 400 milyon dollargha yétidighanliqini bildürdi.

trampning mal – mülki kem dégende 1 milyard 400 milyon dollargha yétidu

türkiye awazi radiyosi xewiri: tramp shirketlirining aldinqi yilning bashliridin étibaren 16 ay ichide kem dégende 596 milyon dollar kirim qilghanliqini, az dégende 315 milyon dollar qerz barliqini bildürdi.

amérika hökümiti exlaq ishliri ishxanisining bildürüshiche, pirézidént trampning mal – mülki toghruluq bergen melumatigha asaslanghanda, uning shirketliri 596 milyon dollarliq kirimining yérimigha yéqinini golf top meydanliridin qazanghan.

floridaning palm bich shehiridiki mara lago sayahet muesseseliri bilen golf top meydani yilliq ezaliq bedilini donald tramp pirézidéntliqqa saylinip anche uzun ötmeyla 100 ming dollardin 200 ming dollargha chiqarghanidi.

trampning mal – mülükliri toghruluq bergen melumatida, bezi dunya rehberlirini kütüwalidighan we süriyege hawa hujumliri élip bérish toghruluq buyruq chüshürgen mara lagodiki xususiy shirkitining 37 milyon 200 ming dollar kirim qilishi diqqet qozghidi.

trampning aq saraygha yéqin yéngi méhmansariyimu 2016 – yili séntebirdin buyan 20 milyon dollar etrapida kirim qildi.

öy – mülük milyardéri tramp melumatida, omumiy mal – mülkining kem dégende 1 milyard 400 milyon dollar ikenlikini bildürdi.

melumatlargha qarighanda, tramp qanchilik baj töleydighanliqi toghruluq melumat bermigen amérikining birdinbir pirézidénti bolghanliqi üchün, uning mal – mülkining zadi qanchilik ikenliki éniq emes iken.

trampning mal – mülki heqqide bergen melumatida eskertilishiche, uning shirketliridning kirimidin bashqa yene, dushé bankisidikisi bilen qoshqanda kem dégende 315 milyon dollar qerzi bar iken.



مۇناسىۋەتلىك خەۋەرلەر