трампниң мал – мүлки кәм дегәндә 1 милйард 400 милйон долларға йетиду

америка пирезиденти трамп мал – мүлкиниң кәм дегәндә 1 милйард 400 милйон долларға йетидиғанлиқини билдүрди.

трампниң мал – мүлки кәм дегәндә 1 милйард 400 милйон долларға йетиду

түркийә авази радийоси хәвири: трамп ширкәтлириниң алдинқи йилниң башлиридин етибарән 16 ай ичидә кәм дегәндә 596 милйон доллар кирим қилғанлиқини, аз дегәндә 315 милйон доллар қәрз барлиқини билдүрди.

америка һөкүмити әхлақ ишлири ишханисиниң билдүрүшичә, пирезидент трампниң мал – мүлки тоғрулуқ бәргән мәлуматиға асасланғанда, униң ширкәтлири 596 милйон долларлиқ кириминиң йеримиға йеқинини голф топ мәйданлиридин қазанған.

флориданиң палм бич шәһиридики мара лаго сайаһәт муәссәсәлири билән голф топ мәйдани йиллиқ әзалиқ бәдилини доналд трамп пирезидентлиққа сайлинип анчә узун өтмәйла 100 миң доллардин 200 миң долларға чиқарғаниди.

трампниң мал – мүлүклири тоғрулуқ бәргән мәлуматида, бәзи дунйа рәһбәрлирини күтүвалидиған вә сүрийәгә һава һуҗумлири елип бериш тоғрулуқ буйруқ чүшүргән мара лагодики хусусий ширкитиниң 37 милйон 200 миң доллар кирим қилиши диққәт қозғиди.

трампниң ақ сарайға йеқин йеңи меһмансарийиму 2016 – йили сентәбирдин буйан 20 милйон доллар әтрапида кирим қилди.

өй – мүлүк милйардери трамп мәлуматида, омумий мал – мүлкиниң кәм дегәндә 1 милйард 400 милйон доллар икәнликини билдүрди.

мәлуматларға қариғанда, трамп қанчилик баҗ төләйдиғанлиқи тоғрулуқ мәлумат бәрмигән америкиниң бирдинбир пирезиденти болғанлиқи үчүн, униң мал – мүлкиниң зади қанчилик икәнлики ениқ әмәс икән.

трампниң мал – мүлки һәққидә бәргән мәлуматида әскәртилишичә, униң ширкәтлиридниң киримидин башқа йәнә, душе банкисидикиси билән қошқанда кәм дегәндә 315 милйон доллар қәрзи бар икән.



مۇناسىۋەتلىك خەۋەرلەر