наим сулайманоғлу бу дунйа билән хошлашти

үч қетим олимпик тәнһәрикәт йиғининиң еғирлиқ көтүрүш чимпейони болған наим сулайманоғлу 19-нойабир истанбулда 50 йешида аләмдин өтти. мәрһумниң мейит намизи истанбулдики файиһ җамәсидә чүшүрүлди. баш министр бинали йилдирим, түркийә бүйүк милләт мәҗлиси (парламенти) башлиқиниң вәкили акиф һамзачәби, тәнтәрбийә министири осман ашик, сийасәт вә тәнтәрбийә саһәсидә тонулған нурғун кишиләр мәрһумниң мейит намизиға қатнашти. бойи 1.47 метир болған наим сулайманоғлу 1988-йили сеулда, 1992-йили барселона вә 1996-йили атлантада өткүзүлгән олимпик тәнһәрикәт йиғинлирида еғирлиқ көтүрүштә чимпейон болуп, түркийәгә шәрәп кәлтүргән иди.