әрдоған сүрийәниң мүнбич районида йүз бәргән һуҗум үстидә тохталди

сүрийәниң мүнбич районида йүз бәргән һуҗумда 5 нәпәр америка әскирини қошқанда, җәмий 20 кишиниң өлгәнлики билдүрүлгән иди.

әрдоған сүрийәниң мүнбич районида йүз бәргән һуҗум үстидә тохталди

 

түркийә авази радийоси хәвири: җумһур рәис рәҗәп таййип әрдоған сүрийәниң мүнбич районида йүз бәргән һуҗумда 5 нәпәр америка әскирини қошқанда, җәмий 20 кишиниң өлгәнликигә даир мәлумат кәлгәнликини ейтти.

әрдоған әнқәрәдә рәсмий зийарәттә болуватқан кродийә пирезиденти колинда гирабар китарович билән өткүзгән қошма ахбарат елан қилиш йиғинида, мүнбичтики һуҗумниң америкиниң сүрийәдин чекиниш қарариға тәсир көрситишни нишан қилған болуши мумкинликини ейтти.

әрдоған: «америка пирезиденти доналд трампниң чекиниш җәһәттики қәтий ирадисини көрдум» деди вә бу террорлуқ һуҗуми сәвәбидин чекиништә сәлибийлик болмайдиғанлиқиға ишинидиғанлиқини, әксичә болғанда бу иш террорлуқ тәшкилати даешниң ғәлибиси һесаблинип қалидиғанлиқини ейтти. 

җумһур рәис рәҗәп таййип әрдоған: «террорлуқ тәшкилати даешқа һуҗум қилишни давамлаштуримиз. чүнки биз даешни әшу земинда йоқутуп ташлаймиз» деди.



مۇناسىۋەتلىك خەۋەرلەر