qalin: bixeter rayon türkiyening kontirolluqida bolidu

jumhur reislik sariyi bayanatchisi ibrahim qalin süriyede berpa qilinidighan bixeter rayonning türkiyening kontirolluqida bolidighanliqini éytti.

1126579
qalin: bixeter rayon türkiyening kontirolluqida bolidu

türkiye awazi radiyosi xewiri: qalin jumhur reislik sariyida chaqirilghan ichki kabént yighinidin kéyin élan qilghan bayanatida, yighinda amérika qoshma ishtatlirining süriyedin esker chékindürüsh qarari toghruluq keng dairilik muzakire élip bérilghanliqini tekitlep mundaq dédi: «térrorizmgha qarshi  küresh we dölitimizge xiris qiliwatqan térrorluq teshkilatlirigha qarshi  küresh her sahede üzlüksiz dawamlishidu, türkiye hem yumshaq küchini hem qattiq küchini ishqa sélip, hem siyasiy hem diplomatik jehettiki rolini toluq jari qildurup, hem sahede hem söhbet üstilide bolushni izchil dawamlashturidu.»

jumhur reis rejep tayyip erdoghanning 23 – yanwar küni rusiyening paytexti moskwada ziyarette bolidighanliqini eskertken qalin, mundaq dep körsetti: «jumhur reis erdoghanning pirézidént putin bilen élip baridighan uchrishishida, bolupmu amérika qoshma ishtatliri süriyedin qoshun chékindürüsh toghruluq qarar chiqarghandin kéyin otturigha chiqqan weziyetni ikki dölet birlikte kontirol qilish, ikki dölet munasiwetliri we süriyediki özgirishler qatarliq mesililer heqqide muzakire élip bérilidu.»

ibrahim qalin  bayanatida yene mundaq dédi: «amérika qoshma ishtatliri heyiti bizge ötken hepte washingtonning  süriyedin qoshun chékindürüshige alaqidar resmiy küchke ige bolmighan bir höjjet berdi, amérika qoshma ishtatliri bilen türkiye otturisidiki iqtisadiy tehdit mesililiri arqimizda qaldi, shunga buningdin kéyin yéngi nishanimizni boylap, ijabiy küntertipimizge asasen paaliyetlirimizni üzlüksiz dawamlashturimiz, bizning <400 – s> bashqurulidighan bomba sistémiliri bilen <wetenperwer> namliq bashqurulidighan bomba mudapie sistémilirini sétiwélish mesiliside yaman gherizimiz yoq, shertlik munasiwet ornitish niyitimizmu yoq.»



مۇناسىۋەتلىك خەۋەرلەر