erdoghan: türkiyening térrorizmgha qarshi küresh qilish iradisi qetiy
jumhur reis rejep tayyip erdoghan türkiyening térrorizmgha qarshi kürishining térrorchilar üzül - késil yoqitilghangha qdeer izchil dawamlishidighanliqini éytti.
türkiye awazi radiyosi xewiri: jumhur reis erdoghan denizlide, ammiwi ul eslihe qurulushlirini omumyüzlük ishqa kirishtürüsh murasimida qilghan sözide, türkiyening térrorizmgha qarshi küresh iradisining qetiylikini, bu küreshning térrorchilar üzül - késil yoqitilghangha qeder üzlüksiz dawamlishidighanliqini tekitlep mundaq dédi: «iraqning sinjar rayonigha, qarachoqqa kirduq, urush ayropilanliri p k k térrorchilirigha u jaylarni mazarlargha aylanduruwetti, térrorchilarning bizge qarshi kolighan oreklirini özlirige mazarliqqa aylanduruimiz. <bir kéchisi ushtumtur herbiy heriket qozghishimiz mumkin>, dégen iduq, bu sözimizni emeliyleshtürduq. derweqe, térrorizmgha qarshi küresh dölet ichi-sirtida izchil dawamlashmaqta, buningdin kéyinmu üzlüksiz dawamlishidu.»
nutiqida, 2 – öktebir küni seudi erebistanning istanbudiki bash konsulxanisida wehshiylerche öltürülgen seudi erebistanliq zhurnalist jamal qashiqchi jinayiti toghriliqmu toxtalghan jumhur reis erdoghan, türkiyening pirinsipliq pozitsiye tutushigha qarita pütkül dunyaning yuqiri baha bériwatqanliqini, türkiyening edliye organliri, jamaet xewpsizliki tarmaqliri we axbarat orunlirining hemkarliq asasida heriket qilip, bu jinayetni pash qilghanliqini tekitlep mundaq dédi: «qatillar dölitimizdin ayrilghan chaghda weqening némiliki téxiche ayan emes idi, eger bu weqeni ene shundaq keng dairilik tekshürmigen bolsaq, jinayetning perde arqisini pash qilghili bolmaytti, jinayetni hazirmu dawamliq tekshürüwatimiz.»
