yildirim amérikigha naraziliq bildürdi

türkiye büyük millet mejlisi bashliqi  binali yildirim amérika qoshma ishtatlirining térrorluq teshkilati p y d/y p g  ge yardem bérishige iranda naraziliq bildürdi.

yildirim amérikigha naraziliq bildürdi

türkiye awazi radiyosi xewiri: binali yildirim téhranda chaqirilghan «térrorizmgha qarshi  küresh we rayonluq  hemkarliqni yenimu kücheytish» témiliq 2 – nöwetlik parlamént bashliqliri yighinida qilghan sözide, amérika qoshma ishtatlirining térrorluq teshkilati p y d/y p g ge yardem bérishige naraziliq bildürüp mundaq dédi: «bir térrorluq teshkilatigha qarshi  küresh qilish üchün bashqa bir térrorluq teshkilati bilen hemkarlishish qandaqmu eqilghe sighidu?»

iran pirézidénti hesen ruhani yighinning échilishida qilghan sözide, amérika qoshma ishtatlirining dölitige qarita yürgüzüwatqan émbargolirini qattiq tenqid qildi.

iran tashqi ishlar ministiri muhemmed jewad zarif yighin harpisida élan qilghan bayanatida, mundaq dédi: «amérika qoshma ishtatliri rayon döletlirige éhtiyajtin artuq qoral - yaragh satti, bu amérika qoshma ishtatlirining rayongha qarita yolgha qoyuwatqan siyasitining qanchilik derijide xewplik ikenlikini körsitidu, shu wejidin, rayonda tinchliq ornitilishi uyaqta tursun, eksiche, rayon kündin – künge weyran boluwatidu. washington türlük bahaniler bilen rayongha nahayiti köp qoral – yaraghlarni ewetiwatidu, bu qoral – yaraghlar yemende elqaidening, süriyede daéshning qoligha ötüp kétiwatidu. buni biz yawropa gézitliridin oquwatimiz, bu ehwal bixeterlikimizge dawamliq tehdit shekillendürmekte.»

türkiye, iran, rusiye, xitay, pakistan we afghanistan qatarliq döletlerning parlamént bashliqlirining ishtirak qilishida téhranda chaqirilghan yighinda, iran, rusiye we türkiyening süriyediki  ünümlük paaliyetlirining nahayiti zor ehmiyetke ige ikenliki tekitlendi.


خەتكۈچ: xitay , rusiye , iran , amérika , téhran , yildirim

مۇناسىۋەتلىك خەۋەرلەر