erdoghan yawropadiki échinishliq körünüshlerni endishe ichide közitiwatqanliqlirini éytti

jumhur reis rejep tayyip erdoghan yawropa kochilirida yüz bériwatqan özgirishlerge alaqidar échinishliq körünüshlerni endishe ichide közitiwatqanliqlirini éytti.

erdoghan yawropadiki échinishliq körünüshlerni endishe ichide közitiwatqanliqlirini éytti

türkiye awazi radiyosi xewiri: erdoghan üsküdarda ammiwi ul eslihe qurulushlirini omumyüzlük halda ishqa kirishtürüsh murasimida qilghan sözide, firansiyening paytexti parizhni öz ichige alghan köpligen yawropa ellirining kochilirida yüz bériwatqan özgirishlerge alaqidar échinishliq körünüshlerni qattiq endishe ichide közitiwatqanliqlirini tekitlep mundaq dédi: «yawropa ellirining kochilirida yüz bériwatqan özgirishlerge alaqidar körünüshlerni qattiq endishe ichide közitiwatimiz. parizh kochilirida <zulum 1789 – yili bashlanghan> teriqisidiki xetlerni körmeslikiimizni ümid qilimiz. hem bu namayishlar netijiside kélip chiqqan qalaymiqanchiliq we échinishliq körünüshlerge, hemde namayishchilargha tengpungsiz küch ishlitilishige qarshimiz. otturigha chiqqan bu menziridin shuni körüwélishqa boliduki, yawropa démokratiyesi hem kishilik hoquq siniqidin hem erkinlik siniqidin téxiche ötülmigen.»

firansiyede yéqilghu bahasining östürülüshige we iqtisadiy ehwalning yamanliship kétishige naraziliq bildürüsh meqsitide 17 – noyabir küni bashlanghan namayishlar, dölette yéqinqi yillardin buyanqi eng échinishliq namayishlargha aylinip ketti.

namayishchilar firansiye pirézidénti émmanuél makrondin yéqilghu bahasini töwenlitishini we iqtisadiy ehwalni yaxshilishini telep qilmaqta.

namayishlarning dairisi firansiyedin kéyin bélgiyening paytexti biryussél we gollandiyegiche kéngeydi.


خەتكۈچ: namayish , firansiye , yawropa , erdoghan

مۇناسىۋەتلىك خەۋەرلەر