әрдоған йавропадики ечинишлиқ көрүнүшләрни әндишә ичидә көзитиватқанлиқлирини ейтти

җумһур рәис рәҗәп таййип әрдоған йавропа кочилирида йүз бериватқан өзгиришләргә алақидар ечинишлиқ көрүнүшләрни әндишә ичидә көзитиватқанлиқлирини ейтти.

әрдоған йавропадики ечинишлиқ көрүнүшләрни әндишә ичидә көзитиватқанлиқлирини ейтти

түркийә авази радийоси хәвири: әрдоған үскүдарда аммиви ул әслиһә қурулушлирини омумйүзлүк һалда ишқа кириштүрүш мурасимида қилған сөзидә, фирансийәниң пайтәхти парижни өз ичигә алған көплигән йавропа әллириниң кочилирида йүз бериватқан өзгиришләргә алақидар ечинишлиқ көрүнүшләрни қаттиқ әндишә ичидә көзитиватқанлиқлирини тәкитләп мундақ деди: «йавропа әллириниң кочилирида йүз бериватқан өзгиришләргә алақидар көрүнүшләрни қаттиқ әндишә ичидә көзитиватимиз. париж кочилирида <зулум 1789 – йили башланған> тәриқисидики хәтләрни көрмәсликиимизни үмид қилимиз. һәм бу намайишлар нәтиҗисидә келип чиққан қалаймиқанчилиқ вә ечинишлиқ көрүнүшләргә, һәмдә намайишчиларға тәңпуңсиз күч ишлитилишигә қаршимиз. оттуриға чиққан бу мәнзиридин шуни көрүвелишқа болидуки, йавропа демократийәси һәм кишилик һоқуқ синиқидин һәм әркинлик синиқидин техичә өтүлмигән.»

фирансийәдә йеқилғу баһасиниң өстүрүлүшигә вә иқтисадий әһвалниң йаманлишип кетишигә наразилиқ билдүрүш мәқситидә 17 – нойабир күни башланған намайишлар, дөләттә йеқинқи йиллардин буйанқи әң ечинишлиқ намайишларға айлинип кәтти.

намайишчилар фирансийә пирезиденти еммануел макрондин йеқилғу баһасини төвәнлитишини вә иқтисадий әһвални йахшилишини тәләп қилмақта.

намайишларниң даириси фирансийәдин кейин белгийәниң пайтәхти бирйуссел вә голландийәгичә кеңәйди.



مۇناسىۋەتلىك خەۋەرلەر