yildirimning xitay ziyariti dawamlashmaqta

türkiye büyük millet mejlisi bashliqi  binali yildirimning xitaydiki dölet ishliri ziyariti dawamlashmaqta.

yildirimning xitay ziyariti dawamlashmaqta

türkiye awazi radiyosi xewiri: xitaydiki dölet ishliri ziyaritini dawamlashturuwatqan türkiye büyük millet mejlisi bashliqi  binali yildirim, xitay – türkiye munasiwetliri heqqide toxtalghanda, ikki dölet munasiwetlirining yilséri tereqqiy qiliwatqanliqini, argéntinada chaqirilghan 20 dölet guruhi bashliqlar yighini jeryanida, türkiye jumhur reisi rejep tayyip erdoghan bilen xitay dölet reisi shi jinpingning uchrishishida muhim qararlarning chiqirilghanliqini tekitlep mundaq dédi: «ikki dölet munasiwetliri yilséri tereqqiy qiliwatidu. xitay bilen türkiye asiyaning sherqiy we gherbiy qismigha jaylashqan muhim döletler bolup, ikki dölet otturisidiki musape yiraq bolsimu, lékin, ikki döletning tarixiy munasiwetliri nahayiti uzungha sozulidu.  argéntinada chaqirilghan 20 dölet guruhi bashliqlar yighini jeryanida, türkiye jumhur reisi rejep tayyip erdoghan bilen xitay dölet reisi shi jinpingning uchrishishida muhim qararlar chiqirildi. tarixiy yépek yolini qaytidin janlandurushni nishan qilidighan iqtisad belbéghi we yépek yoli layihesige asasen bu ötüsh éghizini tekrar tömür yoli liniyeliri arqiliq ishqa kirishtürüsh üchün, xitay bilen türkiye hemkarliqni yenimu kücheytishni pilanlimaqta. dölitimiz, xitayning türkiyening yiraq sherqtiki eng chong soda shériki bolushini hemde ikki dölet otturisidiki soda omumiy sommisining yenimu yüksek sewiyege yétishini ümid qilmaqta.»

ikki dölet munasiwetlirining tereqqiy qilishigha egiship sayahetnimu janlandurghili bolidighanliqini eskertken  yildirim, mundaq dep körsetti: «shien shehiri bilen istanbul shehiri otturisida hawa qatnishishini ishqa kirishtürüsh mumkin, türkiye hawa yolliri shirkiti bu yerge uchushqa teyyar.»

 binali yildirim shien shehiridiki 13 esirlik tarixqa ige chong jame bilen 22 esirlik tarixqa ige laydin yasalghan eskerler jaylashqan  muzéyni ziyaret qildi, hemde sheherning tarixiy sépillirini közdin kechürdi.

xitay ziyariti düshenbe küni bashlanghan türkiye büyük millet mejlisi bashliqi  binali yildirim, xitay memliketlik xelq qurultiyi daimiy komitétining bashliqi li jenshu we xitay bash ministiri li kéchyang bilen  körüshkenidi.


خەتكۈچ: shien , ziyaret , xitay , yildirim

مۇناسىۋەتلىك خەۋەرلەر