йилдиримниң хитай зийарити давамлашмақта

түркийә бүйүк милләт мәҗлиси башлиқи  бинали йилдиримниң хитайдики дөләт ишлири зийарити давамлашмақта.

йилдиримниң хитай зийарити давамлашмақта

түркийә авази радийоси хәвири: хитайдики дөләт ишлири зийаритини давамлаштуруватқан түркийә бүйүк милләт мәҗлиси башлиқи  бинали йилдирим, хитай – түркийә мунасивәтлири һәққидә тохталғанда, икки дөләт мунасивәтлириниң йилсери тәрәққий қиливатқанлиқини, аргентинада чақирилған 20 дөләт гуруһи башлиқлар йиғини җәрйанида, түркийә җумһур рәиси рәҗәп таййип әрдоған билән хитай дөләт рәиси ши җинпиңниң учришишида муһим қарарларниң чиқирилғанлиқини тәкитләп мундақ деди: «икки дөләт мунасивәтлири йилсери тәрәққий қиливатиду. хитай билән түркийә асийаниң шәрқий вә ғәрбий қисмиға җайлашқан муһим дөләтләр болуп, икки дөләт оттурисидики мусапә йирақ болсиму, лекин, икки дөләтниң тарихий мунасивәтлири наһайити узунға созулиду.  аргентинада чақирилған 20 дөләт гуруһи башлиқлар йиғини җәрйанида, түркийә җумһур рәиси рәҗәп таййип әрдоған билән хитай дөләт рәиси ши җинпиңниң учришишида муһим қарарлар чиқирилди. тарихий йепәк йолини қайтидин җанландурушни нишан қилидиған иқтисад бәлбеғи вә йепәк йоли лайиһәсигә асасән бу өтүш еғизини тәкрар төмүр йоли линийәлири арқилиқ ишқа кириштүрүш үчүн, хитай билән түркийә һәмкарлиқни йәниму күчәйтишни пиланлимақта. дөлитимиз, хитайниң түркийәниң йирақ шәрқтики әң чоң сода шерики болушини һәмдә икки дөләт оттурисидики сода омумий соммисиниң йәниму йүксәк сәвийәгә йетишини үмид қилмақта.»

икки дөләт мунасивәтлириниң тәрәққий қилишиға әгишип сайаһәтниму җанландурғили болидиғанлиқини әскәрткән  йилдирим, мундақ дәп көрсәтти: «шиән шәһири билән истанбул шәһири оттурисида һава қатнишишини ишқа кириштүрүш мумкин, түркийә һава йоллири ширкити бу йәргә учушқа тәййар.»

 бинали йилдирим шиән шәһиридики 13 әсирлик тарихқа игә чоң җамә билән 22 әсирлик тарихқа игә лайдин йасалған әскәрләр җайлашқан  музейни зийарәт қилди, һәмдә шәһәрниң тарихий сепиллирини көздин кәчүрди.

хитай зийарити дүшәнбә күни башланған түркийә бүйүк милләт мәҗлиси башлиқи  бинали йилдирим, хитай мәмликәтлик хәлқ қурултийи даимий комитетиниң башлиқи ли җәншу вә хитай баш министири ли кечйаң билән  көрүшкәниди.



مۇناسىۋەتلىك خەۋەرلەر