türkiye: qashiqji jinayiti toghrisida xelqaraliq tekshürüsh élip bérishning waqti keldi

türkiye jumhuriyiti tashqi ishlar ministiri mewlüt chawushoghlu, seudi erebistanliq zhurnalist jemal qashiqji jinayiti toghrisida «hazirqi ehwalda xelqaraliq tekshürüshning shert bolup qalghanliqini körüwatimiz» dédi.

türkiye: qashiqji jinayiti toghrisida xelqaraliq tekshürüsh élip bérishning waqti keldi

türkiye awazi radiyosi xewiri: türkiye büyük millet mejlisi (parlaménti) de soallargha jawab bergen chawushoghlu, qashiqjining öltürülüshi toghrisida türkiyening ochuq – ashkara bolghanliqini we buni pütkül dunyaning qobul qilghanliqini éytti.

«xelqara jemiyet bilen birlikte bu musapini ochuq – ashkara halda damlashturimiz» dégen chawushoghlu, sözini dawamlashturup, «bashta <biz hazirche seudi erebistan bilen bir xizmet guruppisi qurduq, nöwette xelqara sotqa sunushni oylashmiduq> déduq, biraq hazirqi basquchta xelqaraliq tekshürüshning shert bolup qalghanliqini körüwatimiz. néme bolushidin qetiynezer, biz bu jinayetning her jehettin aydinglitilishi üchün qilishqa tégishlik ishlarni qilimiz. yépiwétishke urunush, kélishim hasil qilishqa urunushqa bolmaydu» dédi.

qashiqjining wehshiylerche bir jinayetning qurbani bolghanliqini eskertke chawushoghlu, dölet bixeterlik we jamaet xewpsizlik tarmaqlirining toplighan delillerni körüshni xalaydighanlargha körsetkenlikini bildürdi.

chawushoghlu, «türkiye heywe qilmaywatidu. türkiyening qolida néme bolsa, xelqara jemiyet bilen ortaqlishishimiz lazim» dédi.

seudi erebistanliq zhurnalist jemal qashiqjining 2018 – yili 2 – öktebir seyshenbe küni seudi erebistanning istanbuldiki konsulxanisigha kirer – kirmeyla wehshiylerche öltürülgenliki otturigha chiqqanidi.  



مۇناسىۋەتلىك خەۋەرلەر