йилдирим беларусийәгә кәтти

түркийә авази радийоси хәвири: йилдирим парламент һәйити билән бирликтә беларусийәгә қарап йолға чиқиш һарписида әсәнбоға айродурумида бәргән байанатида,  зийарити даирисидә беларусийә баш министири сергей румас, беларусийә парламенти җумһурийәт кеңишиниң башлиқи михаил мйасникович, авам палатасиниң башлиқи виладимир андрейченка, беларусийә пирезиденти александер лукашенко билән айрим – айрим көрүшидиғанлиқини әскәртиш билән бир вақитта, қурулуши түркийә тәрипидин тамамланған   «миниск җамәси» билән түркийәниң һәссә қошуши нәтиҗисидә бина қилинған бир ана мәктәпни екискурсийә қилидиғанлиқини,  түркийә – беларусийә оттурисидики сода омумий соммисини 1 милйард долларға йәткүзүш нишаниға йетиш йолида җиддий хизмәт ишлиниватқанлиқини тәкитләп мундақ деди: «түркийә беларусийәниң мустәқиллиқини тунҗи етирап қилған дөләт болуп, нишанимиз, беларусийә билән болған достанә мунасивәтләрни йәниму йүксәк сәвийәгә йәткүзүштур. дәрвәқә, бу саһәдики һәмкарлиқимиз иҗабий шәкилдә давамлашмақта. болупму йеқиндин буйан икки дөләт оттурисидики алий дәриҗилик рәһбәрләр сәвийәсидики учур – алақиләр вә учришишларниң барғансери көпийиши, түркийә – беларусийә оттурисидики сийасий, иқтисадий мунасивәтләрниңму күнсери тәрәққий қилишида түрткилик рол ойнимақта. 2019 – йилниң дәсләпки чарикида беларусийә пирезиденти дөлитимиздә дөләт ишлири зийаритидә болиду. бу зийарәттә, маариптин иқтисадқичә бирқатар келишимләр имзалиниду. бизниң бу қетимқи зийаритимиз 2019 – йили ишқа ашурулидиған зийарәтниң тәййарлиқ хизмити һесаблиниду.»