chawushoghlu: milliy pullarni ishlitish intayin muhim
tashqi ishlar ministiri mewlüt chawushoghlu milliy pullarni ishlitishning nahayiti zor ehmiyetke ige ikenlikini tekitlidi.
türkiye awazi radiyosi xewiri: chawushoghlu tereqqiy qiliwatqan 8 dölet guruhining antalyada chaqirilghan tashqi ishlar ministirliri kéngishi yighinida qilghan sözide, türkiyening tereqqiy qiliwatqan 8 dölet guruhini téximu dinamikiliq we xelqaraliq özgirishlerge téximu téz maslishalaydighan sewiyege yetküzülüshini xalaydighanliqini tekitlep mundaq dédi: «nöwette biz bezi döletlerning péréwot nisbitini siyasiy pilanliri üchün kozérgha aylanduruwélishtek bir dewrni bashtin kechürüwatimiz, buninggha taqabil turushning eng epchil charisi, özara soda ishlirimizda milliy pullirimizni ishlitishtur. türkiye xitay, rusiye, ukraina, iran qatarliq döletler bilen soda ishlirini milliy pullar arqiliq ishqa ashurush üchün teyyarliq xizmiti ishlewatidu, buningdin bashqa yene, köpligen döletler bilenmu bu heqte muzakirilerni élip bériwatimiz. buni tereqqiy qiliwatqan 8 dölet guruhi ichidimu ishqa ashurush mumkin. bu meqsette, tereqqiy qiliwatqan 8 dölet guruhida milliy pullarni almashturush komitéti qurush teklipi sunduq.»
