edliye ministiri gül, anadolu agéntliqining qashiqji délosigha alaqidar soallirigha jawab berdi

edliye ministiri abdulhamit gül, türkiyedin seudi erebistanliq zhurnalist jemal qashiqji weqesige alaqidar tekshürüshlerning nahayiti estayidilliq bilen chongqurlashturulghan halda dawamlashturuluwatqanliqini éytti.

edliye ministiri gül, anadolu agéntliqining qashiqji délosigha alaqidar soallirigha jawab berdi

türkiye awazi radiyosi xewiri: abdulhamit gül, anadolu agéntliqining, 2 – öktebirde seudi erebistanning istanbuldiki konsulxanisigha kirip ketkendin kéyin xewer élinalmighan washington pochtisi gézitining yazghuchisi, erebistanliq zhurnalist jemal qashiqji (xashiqji) weqesige alaqidar tekshürüsh toghrisidiki soallirigha jawab berdi.

u, türkiyening tekshürüsh xizmetlirini xelqara qanungha mas halette estayidilliq shundaqla utuqluq halda dawamlashturuwatqanliqini tekitligen halda, «tekshürüsh istanbul jumhuriyet bash teptish mehkimimiz teripidin élip bérilmaqta. tekshürüshning mexpiy élip bériliwatqanliqinimu estin chiqarmasliq kérek. siyaset sahesi (bu) musapide bashtin tartipla ochuq – ashkara bolush yolini tallidi. muhim bolghini weqening aydinglitilishidur» dédi.

bir konsulxana binasining adettiki yerge oxshimaydighanliqini, wiéynna ehdinamiside uninggha qandaq muamile qilinidighanliqining ramkisining sizip bérilgenlikini tilgha alghan gül, «bir memuriy organ bu yerge derhal kirimen, dep qarar qilalmaydu. ehinamide ot, apet dégendek ibariler bar. qanuniy tekshürüsh derhal bashlandi. konsulxana binasini tekshürüsh üchün, seudi dölitining qobul qilishi kütüldi. tashqi ishlar ministirliqi xet – alaqe qildi. kelgen jawablardin kéyin tekshürüsh élip bérildi. weqeni tekshürüwatqan terep edliye orunlirimizdur. érishilgen delillerge asasen qedemlerni tashlaydighan terepmu edliye orunlirimizdur. tekshürüshler estayidilliq bilen chongqurlashturulghan halda dawamlashturulmaqta» dégenlerni qeyt qildi.

seudi erebistan bilen jamaet xewpsizlik idarisi we bashqa organlarning körüshüshlirining dawamlishiwatqanliqini eskertken gül, biraq, seudi erebistan dairilirining bezi ishlarning kéchikip kétishige seweb bolghanliqini sözlirige ilawe qildi.



مۇناسىۋەتلىك خەۋەرلەر