گاگاۋۇز خەلقى ئەردوغاننى تەقەززالىق بىلەن كۈتمەكتە

تۈركىيە ئاۋازى رادىيوسى خەۋىرى: جۇمھۇر رەئىس رەجەپ تاييىپ ئەردوغان مولدوۋا پىرېزىدېنتى ئىگور دودون بىلەن بىرلىكتە زىيارەت قىلماقچى بولغان شەھەردە، قارشى ئېلىش پائالىيەتلىرىنىڭ تەييارلىقلىرى داۋاملاشماقتا.

پايتەخت كومراتتا ئىجرائىيە كومىتېتى بىناسى بىلەن ئېچىلىش مۇراسىمى ئۆتكۈزۈلمەكچى بولغان كۈلتۈر ئۆيىنىڭ ئالدىدىكى چوڭ كوچىدا، خەلق قوللىرىدا، تۈركىيە، مولدوۋا ۋە گاگاۋۇز بايراقلىرىنى كۆتۈرۈشكەن ھالدا ئەردوغاننى قارشى ئالماقچى.

كۈلتۈر ئۆيىمۇ تۈرك بايرىقى ۋە رەسىملەر بىلەن بېزەلدى.

ئەردوغان سايلام مەزگىللىرىدە ئىشلەتكەن «دومبىرا» ناملىق ناخشىمۇ كومرات كوچىلىرىدا ھازىردىن باشلاپلا جاراڭلىق چېلىنىشقا باشلاندى.

شەھەرنىڭ بەزى يەرلىرىگە «ھۆرمەتلىك جۇمھۇر رەئىس رەجەپ تاييىپ ئەردوغان گاگاۋۇزغا خۇش كەلدىڭىز!» دەپ تۈركچە يېزىلغان لوزىنكىلار ئېسىلدى.