дөләт мудапиәси санаити йиғинида муһим пилан – лайиһәләр қарап чиқилди

дөләт мудапиәси санаити иҗраийә комитети йиғинида дөләт хәвпсизлик күчлириниң тәсир күчини техиму зорайтиш мәқситидә  йәрлик вә миллий системиларға йеңилирини сәпләшкә қарита муһим пилан – лайиһәләр қарап чиқилди.

дөләт мудапиәси санаити йиғинида муһим пилан – лайиһәләр қарап чиқилди

түркийә авази радийоси хәвири: җумһур рәислик сарийида түнүгүн ишқа ашурулған йиғиндин кейин елан қилинған йазма байанатта әскәртилишичә, дөләт мудапиәси санаити иҗраийә комитети йиғинида,  дөләт ичи-сиртида вә чегра районлирида наһайити мувәппәқийәтлик һәрбий һәрикәтләрни елип бериватқан дөләт хәвпсизлик күчлириниң тәсир күчини техиму зорайтиш мәқситидә  йәрлик вә миллий системиларға йеңилирини сәпләшкә қарита муһим пилан – лайиһәләр көздин кәчүрүлгән. шуниң билән бир вақитта, дөләт мудапиәси санаити вә технологийәлирини тәрәққий қилдуруш, бу һәқтики пилан – лайиһәләрни қоллаш, һәмдә түрлүк селинма вә тәрәққийат паалийәтлири тоғрулуқ қарарлар мақулланған. бу даиридә, «атақ» намлиқ илғар техникилиқ тик учар айропилан лайиһәсини ишқа кириштүрүш, һәр хил учқучисиз һава аппаратлири, қораллиқ һава аппаратлири, деңиз вә қуруқлуқ армийә һәрбий әслиһәрлири,  електронлуқ уруш вә арилаштуруветиш системилири, түрлүк әқиллиқ оқ – дорилар вә қорал - йарағ системилирини тәрәққий қилдуруш, дөләт хәвпсизлик күчлириниң охшимиған түрдики еһтийаҗлирини қамдашқа мунасивәтлик пилан – лайиһәләр қарап чиқилған.



مۇناسىۋەتلىك خەۋەرلەر