erdoghan gérmaniyede ziyarette bolidu
jumhur reis rejep tayyip erdoghan gérmaniye fédératsiyesi pirézidénti firank waltér sténméyérning teklipige binaen 27 – sintebirdin 29 – sintebirgiche gérmaniyede tunji qétim dölet sewiyeside ziyarette bolidu.
türkiye awazi radiyosi xewiri: jumhur reislik axbarat ishliri ishxanisidin élan qilinghan bayanatta, erdoghanning mensepdishi waltér sténméyérdin bashqa yene, gérmaniye bash ministiri angéla mérkél bilenmu körishidighanliqi bildürüldi.
uchrishishta türkiye bilen gérmaniye otturisidiki siyasiy, bixeterlik, dölet mudapiesi, kültür, ijtimaiy jemiyet mesililiridiki özara hemkarliq we gérmaniyede turushluq türk xelqige munasiwetlik témilar muzakire qilinidu.
uchrishishning küntertipide süriye meslisi, rayon xaraktérliq we yer shari xaraktérliq mesililer, térrorizmgha we tertipsiz köchmenlikke qarshi küresh sahesidiki hemkarliqlar shundaqla türkiye – yawropa ittipaqi munasiwetliri qatarliq témilarningmu muhim orun tutidighanliqi bildürüldi.
jumhur reis rejep tayyip erdoghannning bu qétimqi ziyariti wesilisi bilen gérmaniyediki ammiwi teshkilatlar wekillirige we türkiye – gérmaniye soda - sanaet kéngishining aldinqi qatardiki gérmaniye shirketliri mesullirigha nutuq sözlishi mölcherlenmekte.
erdoghanning ziyaret dairiside yene, kolin shehiride türkiye diniy ishlar idarisi, türk – islam birliki jamesining échilish lintsini késishi we kolinde turushluq türkler bilenmu bir yerge jem bolishi mölcherlenmekte.
erdoghanning bu qétimqi ziyariti aridin 7 yil ötkendin kéyin türkiyedin gérmaniyege qilinghan tunji dölet sewiyesidiki ziyaret bolush alahilikidiki bilenmu diqqetlerni tartmaqta.
bayanatta, türkiyening shimaliy atlantik ehdi teshkilatidiki gérmaniyening ittipaqdishi we aldinqi qatardiki shériki ikenliki bildürüldi.
gérmaniyede turushluq 3 milyon 500 ming türk xelqining ikki dölet otturisdiki munaiswetlerde köwrüklük rol oynawatqanliqi qeyt qilindi.
