«600 din artuq dölet mudapiesi sanaiti layihesi ishqa ashuruluwatidu»

jumhur reis rejep tayyip erdoghan türkiyede nöwette 600 din artuq dölet mudapiesi sanaiti layihesining ishqa ashuruluwatqanliqini éytti.

erdogan teknofest.jpg

türkiye awazi radiyosi xewiri: jumhur reis erdoghan istanbuldiki dunya boyiche eng chong yéngi ayrodurumda ötküzülgen téknofést awiyatsiye, alem qatnishi we téxnologiye féstiwalida qilghan sözide, téxnologiyening nahayiti muhimliqini tekitlep mundaq dédi: «hazirqi dunyada musteqilliqning aldin sherti, döletni ilghar téxnologiyelerni layihelep chiqalaydighan, ishlepchiqiralaydighan we éksport qilalaydighan derijide qudret tapquzushtur.  téxnologiyelik özgirishlerning deslepki basquchi ümid chirighi yandurushtur. bizmu türkiyege qazandurghanlirimizning hemmisini ene shu ümid chirighining türtkiside qazandurduq. méningche, téknofést algha siljish qedimidur. bash ministirliq wezipisi ötigen mezgillerde dölet mudapiesi sanaiti saheside nahayiti muhim bir xizmetni ishqa kirishtürduq. tanka, tik uchar ayropilan, uchquchisiz hawa apparatliri qatarliq köpligen mehsulatlarni teyyar halette sétiwlish layihelirini bikar qilip, ornigha, milliy we özgiche modéllarni ishlepchiqiralaydighan we tereqqiy qilduralaydighan sewiyege yétish üchün  herketke öttuq. buning türtkiside nöwette dölitimizde 600 din artuq dölet mudapiesi sanaiti layihesi ishqa ashuruluwatidu. pul – muamile, saghlamliq, énérgiye téxnologiyelirini yerlik we milliy téxnologiyelerge özgertip, musteqilliqimizni téximu mustehkemleshke tirishiwatimiz, chet ellerdiki alimlirimizning yurtqa qaytishini ishqa ashurush seperwerlik xizmiti ishliniwatidu, rehbiriy tetqiqatlar paaliyetlirini élip bériwatimiz, dunyaning herqaysi jayliridiki alimlirimizni nöwette biz dölitimizde ishqa kirishtürüwatqan xizmetlirimiz hem paaliyetlirimizgha aktipchanliq bilen qatnishishqa chaqirimen.»



مۇناسىۋەتلىك خەۋەرلەر