erdoghan düshenbe küni rusiye mangidu

mewlüt chawushoghlu «térrorluqqa qarshi küresh dégenni bahane qilip, puqra, ayal we kichik bala ayrimastin, öltürüshini insaniyetke zit jinayet dep qaraymiz» dédi.

erdoghan düshenbe küni rusiye mangidu

türkiye awazi radiyosi xewiri: jumhur reis rejep tayyip erdoghan düshenbe küni bashlinidighan rusiye ziyariti dairiside, rusiye pirézidénti wiladimir putin bilen soji shehiride uchrishish élip baridu.

erdoghan adalet we terqqiyat partiyesining kéngeytilgen wilayetlik bashliqlar yighinidiki erdoghan nutuqida, süriyening idlib shehiride turushluq puqralarning rusiye we suriye teripidin qetliam qilinish xewpi astida turuwatqanliqini tekitlep, mesilini muzakirilishish üchün rusyege baridighanliqini we putin bilen körüshidighanliqini bildürdi.

pakistanda ziyarette boluwatqan tashqi ishlar ministiri mewlüt chawushoghlumu erdoghanning süriye meslisi heqqide düshenbe küni putin bilen muzakirilishidighanliqini bildürdi.

mewlüt chawushoghlu pakistandiki resmiy ziyariti jeryanida, pakistan tashqi ishlar ministiri mehmud qureyshi bilen körüshkendin kéyin, birleshme axbarat élan qilish yighini ötküzdi.

yighinda, idlib mesilisi üstide toxtilip, süriye meslisige we bolupmu idlib meslisige qarita kelgüsi eng rushen siyasetni türmiyening yolgha qoyghanliqini tekitldi.

mewlüt chawushoghlu türkiyening süriyede tinchliq we siyasiy hel qilish charisi tépishni xalaydighanliqini tilgha aldi. türkiyening hel qilish charisi üchün hem astane, hem jenwe muzakirliride köp tirishchanliq körsetkenlikini eskertti. süriyening kelgüsige tehdit shekillendüridighan térrroluq teshkilatlirigha qarshi küreshnimu qetiylik bilen dawamlashturiwatqanliqini qeyt qildi.

mewlüt chawushoghlu: «térrorluq teshkilatlirigha qarshi küresh mesiliside hemmeylen bilen hemkarliq ornitishqa teyyarmiz. biraq térrorluqqa qarshi küresh dégenni bahane qilip, puqra, ayal we kichik bala ayrimastin öltürüshinimu insaniyetke zit jinayet dep qaraymiz. bu qetiy toghra emes. bu shekilde tinchliq we xatirjemlikni bepa qilghili bolmaydu» dédi.

türkiyening bu mesilige alaqidar uchrishishlirini dawamlashturidighanliqini jikiligen mewlüt chawushoghlu: «düshenbe küni jumhur reisimiz rejep tayyip erdoghan putin bilen körishidu. idlib mesilisige dair birleshken döletler teshkilatidiki tirishchanliqlirimizni pütün dunya we xelqaraliq organlar qollap - quwwetlimekte» dédi. 


خەتكۈچ: rusiye , putin , erdoghan

مۇناسىۋەتلىك خەۋەرلەر