әрдоған дүшәнбә күни русийә маңиду

мәвлүт чавушоғлу «террорлуққа қарши күрәш дегәнни баһанә қилип, пуқра, айал вә кичик бала айримастин, өлтүрүшини инсанийәткә зит җинайәт дәп қараймиз» деди.

әрдоған дүшәнбә күни русийә маңиду

түркийә авази радийоси хәвири: җумһур рәис рәҗәп таййип әрдоған дүшәнбә күни башлинидиған русийә зийарити даирисидә, русийә пирезиденти виладимир путин билән соҗи шәһиридә учришиш елип бариду.

әрдоған адаләт вә тәрққийат партийәсиниң кеңәйтилгән вилайәтлик башлиқлар йиғинидики әрдоған нутуқида, сүрийәниң идлиб шәһиридә турушлуқ пуқраларниң русийә вә сурийә тәрипидин қәтлиам қилиниш хәвпи астида туруватқанлиқини тәкитләп, мәсилини музакирилишиш үчүн русйәгә баридиғанлиқини вә путин билән көрүшидиғанлиқини билдүрди.

пакистанда зийарәттә болуватқан ташқи ишлар министири мәвлүт чавушоғлуму әрдоғанниң сүрийә мәслиси һәққидә дүшәнбә күни путин билән музакирилишидиғанлиқини билдүрди.

мәвлүт чавушоғлу пакистандики рәсмий зийарити җәрйанида, пакистан ташқи ишлар министири мәһмуд қурәйши билән көрүшкәндин кейин, бирләшмә ахбарат елан қилиш йиғини өткүзди.

йиғинда, идлиб мәсилиси үстидә тохтилип, сүрийә мәслисигә вә болупму идлиб мәслисигә қарита кәлгүси әң рушән сийасәтни түрмийәниң йолға қойғанлиқини тәкитлди.

мәвлүт чавушоғлу түркийәниң сүрийәдә тинчлиқ вә сийасий һәл қилиш чариси тепишни халайдиғанлиқини тилға алди. түркийәниң һәл қилиш чариси үчүн һәм астанә, һәм җәнвә музакирлиридә көп тиришчанлиқ көрсәткәнликини әскәртти. сүрийәниң кәлгүсигә тәһдит шәкилләндүридиған террролуқ тәшкилатлириға қарши күрәшниму қәтийлик билән давамлаштуриватқанлиқини қәйт қилди.

мәвлүт чавушоғлу: «террорлуқ тәшкилатлириға қарши күрәш мәсилисидә һәммәйлән билән һәмкарлиқ орнитишқа тәййармиз. бирақ террорлуққа қарши күрәш дегәнни баһанә қилип, пуқра, айал вә кичик бала айримастин өлтүрүшиниму инсанийәткә зит җинайәт дәп қараймиз. бу қәтий тоғра әмәс. бу шәкилдә тинчлиқ вә хатирҗәмликни бәпа қилғили болмайду» деди.

түркийәниң бу мәсилигә алақидар учришишлирини давамлаштуридиғанлиқини җикилигән мәвлүт чавушоғлу: «дүшәнбә күни җумһур рәисимиз рәҗәп таййип әрдоған путин билән көришиду. идлиб мәсилисигә даир бирләшкән дөләтләр тәшкилатидики тиришчанлиқлиримизни пүтүн дунйа вә хәлқаралиқ органлар қоллап - қуввәтлимәктә» деди. 



مۇناسىۋەتلىك خەۋەرلەر