chawushoghlu: washingtonning qarar qilidighan waqti yétip keldi

türkiye tashqi ishlar ministiri mewlüt chawushoghlu bölgünchi térrorluq teshkilati y p g|p k k ning, süriyede, mundaqche éytqanda, türkiye chégrasidin bir qanche kilométir yiraqliqta heriket qilishini aqlashqa héchqandaq asasning yoqluqini bildürdi.

chawushoghlu: washingtonning qarar qilidighan waqti yétip keldi

türkiye awazi radiyosi xewiri: tashqi ishlar ministiri mewlüt chawushoghlu bölgünchi térrorluq teshkilati y p g|p k k ning, süriyede, mundaqche éytqanda, türkiye chégrasidin bir qanche kilométir yiraqliqta heriket qilishini aqlashqa héchqandaq asasning yoqluqini bildürdi. u mundaq dédi:

«washington üchün rayonda kimning heqiqiy ittipaqdishining kim ikenlikini qarar qilishning waqti yétip keldi.»

tashqi ishlar ministiri mewlüt chawushoghluning 9-séntebir «niyu york taymis géziti» de élan qilinghan süriye toghrisidiki bir maqalige jawaben yazghan «süriyede körüngen balayi-apet» témiliq ochuq xéti mezkur gézitte élan qilindi.

mewlüt chawushoghlu ochuq xétide, 9-séntebir niyu york taymis gézitide élan qilinghan maqalining, süriyede beshshar esed hakimiyitining öktichiler kontrol qiliwatqan axirqi rayongha qanliq hujum qilghanliqi nuqtisidin toghra ikenlikini bildüridu.

u b d t diki bir mesul emeldarning hujumlarning minglarche kishi qéchip baralaydighan héchqandaq jayni aman qoymaydighanliqini we 21-esirdiki eng chong qirghinchiliqqa seweb bolidighanliqini perez qilghanliqini xatiriletken halda, sözini mundaq dawamlashturidu:

«biraq, bu maqalide bir qorqunchluq ehwal untulup qalghan. beshshar esedning hujum qilghan ittipaqdashliri amérikaning qollishigha érishmekte. yéngi doklatlar süriyede heriket qiliwatqan bölgünchi térrorluq teshkilati y p g ning, amérika xelqi tapshurghan bajlar bilen sétiwélinghan qoral-yaraghlarni alghanliqini, beshshar esed bilen ittipaqdashliqini mustehkemligenlikini we iyul éyida beshshar esed bilen y p g|p k k otturisida tüzülgen kélishimning bir parchisi süpitide beshshar esedning idlibni öktichilerdin tartiwélishini qollash üchün yardem ewetkenlikini körsitip béridu.»

u ochuq xétide, y p g ning türkiyede 30 yildin buyan zorawanliq bilen térrorluq paaliyitini qanat yaydurghan p k k ning süriyediki gumashtisi ikenlikini tekitleydu we türkiye, amérika, yawropa ittipaqining p k k ni térrorluq teshkilati dep élan qilghanliqini xatirilitidu.

u ochuq xétini mundaq axirlashturidu:

«türkiye chégrasidin bir qanche kilométir kélidighan jayda y p g qoralliq küchlirining süriyede heriket qilishini aqlaydighangha héchqandaq asas yoq. washington üchün rayonda kimning heqiqiy ittipaqdishining kim ikenlikini qarar qilishning waqti yétip keldi.»


خەتكۈچ: muherrir , ochuq xet , chawushoghlu

مۇناسىۋەتلىك خەۋەرلەر