чавушоғлу: вашингтонниң қарар қилидиған вақти йетип кәлди

түркийә ташқи ишлар министири мәвлүт чавушоғлу бөлгүнчи террорлуқ тәшкилати й п г|п к к ниң, сүрийәдә, мундақчә ейтқанда, түркийә чеграсидин бир қанчә километир йирақлиқта һәрикәт қилишини ақлашқа һечқандақ асасниң йоқлуқини билдүрди.

чавушоғлу: вашингтонниң қарар қилидиған вақти йетип кәлди

түркийә авази радийоси хәвири: ташқи ишлар министири мәвлүт чавушоғлу бөлгүнчи террорлуқ тәшкилати й п г|п к к ниң, сүрийәдә, мундақчә ейтқанда, түркийә чеграсидин бир қанчә километир йирақлиқта һәрикәт қилишини ақлашқа һечқандақ асасниң йоқлуқини билдүрди. у мундақ деди:

«вашингтон үчүн районда кимниң һәқиқий иттипақдишиниң ким икәнликини қарар қилишниң вақти йетип кәлди.»

ташқи ишлар министири мәвлүт чавушоғлуниң 9-сентәбир «нийу йорк таймис гезити» дә елан қилинған сүрийә тоғрисидики бир мақалигә җавабән йазған «сүрийәдә көрүнгән балайи-апәт» темилиқ очуқ хети мәзкур гезиттә елан қилинди.

мәвлүт чавушоғлу очуқ хетидә, 9-сентәбир нийу йорк таймис гезитидә елан қилинған мақалиниң, сүрийәдә бәшшар әсәд һакимийитиниң өктичиләр контрол қиливатқан ахирқи районға қанлиқ һуҗум қилғанлиқи нуқтисидин тоғра икәнликини билдүриду.

у б д т дики бир мәсул әмәлдарниң һуҗумларниң миңларчә киши қечип баралайдиған һечқандақ җайни аман қоймайдиғанлиқини вә 21-әсирдики әң чоң қирғинчилиққа сәвәб болидиғанлиқини пәрәз қилғанлиқини хатириләткән һалда, сөзини мундақ давамлаштуриду:

«бирақ, бу мақалидә бир қорқунчлуқ әһвал унтулуп қалған. бәшшар әсәдниң һуҗум қилған иттипақдашлири американиң қоллишиға еришмәктә. йеңи доклатлар сүрийәдә һәрикәт қиливатқан бөлгүнчи террорлуқ тәшкилати й п г ниң, америка хәлқи тапшурған баҗлар билән сетивелинған қорал-йарағларни алғанлиқини, бәшшар әсәд билән иттипақдашлиқини мустәһкәмлигәнликини вә ийул ейида бәшшар әсәд билән й п г|п к к оттурисида түзүлгән келишимниң бир парчиси сүпитидә бәшшар әсәдниң идлибни өктичиләрдин тартивелишини қоллаш үчүн йардәм әвәткәнликини көрситип бериду.»

у очуқ хетидә, й п г ниң түркийәдә 30 йилдин буйан зораванлиқ билән террорлуқ паалийитини қанат йайдурған п к к ниң сүрийәдики гумаштиси икәнликини тәкитләйду вә түркийә, америка, йавропа иттипақиниң п к к ни террорлуқ тәшкилати дәп елан қилғанлиқини хатирилитиду.

у очуқ хетини мундақ ахирлаштуриду:

«түркийә чеграсидин бир қанчә километир келидиған җайда й п г қораллиқ күчлириниң сүрийәдә һәрикәт қилишини ақлайдиғанға һечқандақ асас йоқ. вашингтон үчүн районда кимниң һәқиқий иттипақдишиниң ким икәнликини қарар қилишниң вақти йетип кәлди.»



مۇناسىۋەتلىك خەۋەرلەر