türkiye: idlibqa qilinidighan herqandaq bir hujum dawamlishiwatqan siyasiy musapige zerbe béridu

jumhur reislik sariyi bayanatchisi ibrahim qalin, ichki kabinét yighinidin kéyin muxbirlarni kütüwélish yighini ötküzdi.

türkiye: idlibqa qilinidighan herqandaq bir hujum dawamlishiwatqan siyasiy musapige zerbe béridu

türkiye awazi radiyosi xewiri: jumhur reislik sariyi bayanatchisi ibrahim qalin, süriyening idlib shehirige qilinidighan bir hujumning hazirghiche dawamliship kelgen siyasiy musapige bomba qoyidighanliqini, éghir ishench kirizisi peyda qilidighanliqini éytti.

bayanatchi ibrahim qalin ichki kabinét yighinidin kéyin bayanat bérip, dunya jamaetchiliki, gherb elliri, amérika qoshma ishtatliri we rayon döletlirini özara mas heriket qilish arqiliq idlibqa qilinghusi bir hujumning aldini élishqa chaqirdi we sözini dawamlashturup, «idlibqa qilinidighan hujum hemmidin burun hazirghiche dawamliship kelgen siyasiy musapilerge bomba qoyidu, éghir ishench kirizisi yaritidu.» dédi.

«süriye mesilisige alaqidar barliq tereplerning aldimizdiki künlerde ijabiy hesse qoshidighan pozitsiyede bolushlirini kütüwatqanliqliri» ni bildürgen qalin, «idlibqa munasiwetlik barliq selbiyliklerge xatime béridighan bir siyasiy chare üstide birdeklik hasil qilinishini ümid qilidighanliqliri» ni sözlirige ilawe qildi.


خەتكۈچ: idlib , süriye , türkiye

مۇناسىۋەتلىك خەۋەرلەر