түркийә: идлибқа қилинидиған һәрқандақ бир һуҗум давамлишиватқан сийасий мусапигә зәрбә бериду

җумһур рәислик сарийи байанатчиси ибраһим қалин, ички кабинет йиғинидин кейин мухбирларни күтүвелиш йиғини өткүзди.

түркийә: идлибқа қилинидиған һәрқандақ бир һуҗум давамлишиватқан сийасий мусапигә зәрбә бериду

түркийә авази радийоси хәвири: җумһур рәислик сарийи байанатчиси ибраһим қалин, сүрийәниң идлиб шәһиригә қилинидиған бир һуҗумниң һазирғичә давамлишип кәлгән сийасий мусапигә бомба қойидиғанлиқини, еғир ишәнч киризиси пәйда қилидиғанлиқини ейтти.

байанатчи ибраһим қалин ички кабинет йиғинидин кейин байанат берип, дунйа җамаәтчилики, ғәрб әллири, америка қошма иштатлири вә район дөләтлирини өзара мас һәрикәт қилиш арқилиқ идлибқа қилинғуси бир һуҗумниң алдини елишқа чақирди вә сөзини давамлаштуруп, «идлибқа қилинидиған һуҗум һәммидин бурун һазирғичә давамлишип кәлгән сийасий мусапиләргә бомба қойиду, еғир ишәнч киризиси йаритиду.» деди.

«сүрийә мәсилисигә алақидар барлиқ тәрәпләрниң алдимиздики күнләрдә иҗабий һәссә қошидиған позитсийәдә болушлирини күтүватқанлиқлири» ни билдүргән қалин, «идлибқа мунасивәтлик барлиқ сәлбийликләргә хатимә беридиған бир сийасий чарә үстидә бирдәклик һасил қилинишини үмид қилидиғанлиқлири» ни сөзлиригә илавә қилди.



مۇناسىۋەتلىك خەۋەرلەر