türkiye jenwede ötküzülgen astana söhbetlirining kapaletchi döletliri yighini toghrisida bayanat berdi

türkiye, süriye üchün asasiy qanun komitéti qurush musapisining astana söhbetlirining kapaletchi döletliri arisidiki emeliy muzakiriler arqiliq dawamlashturulidighanliqini bildürdi.

türkiye jenwede ötküzülgen astana söhbetlirining kapaletchi döletliri yighini toghrisida bayanat berdi

türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip, astana söhbetlirining kapaletchi döletliri türkiye, rusiye we iran heyetliri bashliqlirining 10-, 11- séntebir künliri jenwede b d t  bash katipining süriye alahide wekili stéfan dé mistura bilen körüshkenlikini uqturdi.

bayanatta, «uchrishishta, süriye kirizisigha siyasiy chare tépish yolidiki tirishchanliqlar dairisidiki muhim bir ötkelni teshkil qilidighan asasiy qanun komitétining qurulushi we usul belgilimiliri muzakire qilinidi. bu dairide, hakimiyet we öktichiler teripidin tewsiye qilinghan tizimlikler üstide pirinsip jehettin birdeklik hasil qilinghanliqi tekitlendi, teshkillinidighan guruppilarning üchinchisi bolghan ijtimaiy küchler guruppisining shekillendürülüshi mesilisi muzakire qilindi. (bu) musape, astana söhbetlirining kapaletchi döletliri arisida emeliy muzakiriler arqiliq dawamlashturulidu» dégen ibarilerge orun bérildi.


خەتكۈچ: iran , rusiye , astana , süriye , jenwe , türkiye

مۇناسىۋەتلىك خەۋەرلەر