мәвлүт чавушоғлу пакистанға бариду

ташқи ишлар министири мәвлүт чавушоғлу әтә 13 – синтәбир күни пакистанда рәсмий зийарәттә болиду.

мәвлүт чавушоғлу пакистанға бариду

 

түркийә авази радийоси хәвири: түркийә җумһурийити ташқи ишлар министирлиқидин елан қилинған байанатта, мәвлүт чавушоғлуниң пакистан ташқи ишлар министири мәхдум шаһ мәһмуд қурәйшиниң тәклипигә бинаән әтә пакистанда рәсмий зийарәттә болидиғанлиқи билдүрүлди.

байанатта, икки күнлүк зийарәт даирисидә, мәвлүт чавушоғлуниң қурәйши билән учришиштин башқа йәнә, пакистан пирезиденти ариф алви вә пакистан баш министири имран хан биләнму көришидиғанлиқи тәхмин қилиниватқанлиқи уқтурулди.

бу учришишларда, түркийә билән пакистан оттурисидики мунасивәтләр музакирә қилиниду. район характерлиқ вә хәлқаралиқ мәсилиләр һәққидә пикир алмаштурулиду.

пакистанда 25ийулда өткүзүлгән омумий сайламларда пирезидентлиққа сайланған ариф алви 9синтәбирдә қәсәм қилип вәзипә башлиған иди.

 



مۇناسىۋەتلىك خەۋەرلەر