türkiye: idlibtiki urush toxtitish jezmen dawamlishishi kérek

türkiye dölet mudapie ministiri hulusi akar süriyening idlib rayonidiki urush toxtitishning jezmen dawamlishishi kéreklikini we dawamlashturulushini bildürdi.

türkiye: idlibtiki urush toxtitish jezmen dawamlishishi kérek

türkiye awazi radiyosi xewiri: afghanistanning enqere bash elchisi abdul rahim sayed janning sahibxanliqida, afghanistan musteqilliqining 99 yilliqini xatirilesh munasiwiti bilen enqerede xatirilesh paaliyiti ötküzüldi.

dölet mudapie ministiri hulusi akar tebriklesh paaliyitide qilghan sözide, küntertipke munasiwetlik mesililer üstide toxtaldi. u astana musapisi ramkisida qurulghan urush toxtitish weziyitining barliqini eskertip: «bu urush toxtitish weziyitining jezmen dawam qilishini we dawamlashturulushini telep qilimiz» dédi.

urush toxtitish weziyiti saqlap qélinmighan we rayongha hujum qilinghanda, bolupmu puqralarning we kichik balilarning köp japa-musheqqetke uchrishining éniq ikenlikini tekitlidi. u mundaq dédi:

«quruqluq we hawadin qilinghan barliq hujumlarning baldurraq toxtitilip, rayonda urush toxtitish we muqimliqning kapaletke ige qilinishi eng küchlük ümidimiz.»

hulusi akar ximiyelik qorallarni öz ichige alghan türlük qorallar bilen bigunah kishilerning öltürülüshige qarshi ikenliklirini alahide tekitlep, peqet mueyyen bezi térrorluq teshkilatlirighila emes, belki barliq térrorluq teshkilatlirigha qarshi ikenliklirini we bu teshkilatlargha qarshi küreshni qetiy dawamlashturidighanliqlirini qeyt qildi.

u: «el qaidege oxshash térrorluq teshkilatlirini öz ichige alghan fethullahchi térrorluq teshkilati, p k k|p y d|y p g, p j a k, daéshqa qashi kürishimizni izchil we eng axirqi bir térrorist yoqitilghiche dawam qilidu» dédi.



مۇناسىۋەتلىك خەۋەرلەر